+7 (777) 001 44 99
Қазақша
Русский
English
20 сентября 2021 19:58
Алматыдағы атыс: оқиға туралы қазірге дейін не белгілі?
Алматыдағы Алатау ауданында атыс болды. Бес адам қаза тапты. Қайғылы оқиға туралы не белгілі? Бұл туралы Tengrinews.kz тілшісі материалында.
ПОДЕЛИТЬСЯ
Алматыдағы Алатау ауданында атыс болды. Бес адам қаза тапты. Қайғылы оқиға туралы не белгілі? Бұл туралы Tengrinews.kz тілшісі материалында.
Бүгін, 20 қыркүйекте сағат 17:30 шамасында әлеуметтік желіде Алатау ауданында атыс болғаны туралы мәлімет тарады.
Көп ұзамай қалалық Полиция департаменті оқиғаға қатысты түсінік берді. Полиция мәліметінше, атыс 17.00-де "Ақбұлақ" шағынауданында болды.
Полиция өкілдері үйден шығару туралы сот қаулысын орындау кезінде сол үйдің тұрғыны - 1967 жылы туған ер адам озбырлық көрсетіп, сот орындаушыларына, учаскелік полиция инспекторларына, төтенше жағдай қызметкерлеріне қарудан оқ жаудырғанын хабарлады.
Жеке сот орындаушыларының Республикалық палатасының төрағасы Ернар Ибраевтың сөзінше, қаза тапқандардың ішінде сот орындаушысы бар.
"А. есімді сот орындаушысы учаскелік полицейлермен оқиға орнына шыққан. Сол жерде қылмыс жасалған. Сот орындаушысы, екі учаскелік полицей мен екі тұрғынға оқ атылған. Әзірге басқа ақпарат жоқ", - деді Ибраев.
Оқиға орнында бес адам қаза тапты: оның ішінде қызметтік міндетін атқарып жүрген екі полиция қызметкері бар.
Полиция өкілдері күдікті ұсталғанын хабарлады. Бүгінде жағдай бақылауда.
Қылмыстық іс қозғалды. Тергеу шаралары жүргізіліп жатыр.
Показать комментарии
Читайте также
