+7 (777) 001 44 99
Қазақша
Русский
English
03 сентября 2019 | 16:09
Медицина университеті студентінің өлімі: Прокурор айыпталушыны бес жылға соттауды сұрады
Бүгін Алматы қаласында Қазақ ұлттық медицина университетінің студенті Асылбек Жұмабаевтың өліміне қатысты сот отырысы болды, - деп хабарлайды Tengrinews.kz тілшісі.
ПОДЕЛИТЬСЯ
Бүгін Алматы қаласында Қазақ ұлттық медицина университетінің студенті Асылбек Жұмабаевтың өліміне қатысты сот отырысы болды, - деп хабарлайды Tengrinews.kz тілшісі.
Сот отырысы №2 Жетісу аудандық сотында өтті.
Жәбірленушілер тарапы Жұмабаевты қағып өлтірген адамды 10 жылға бас бостандығынан айыруды сұраған. Бірақ прокурор судьядан айыпталушыны бес жылға қамауды сұрады.
Айыпталушының адвокатының айтуынша, ол жәбірленушілерден бір ай бойы кешірім өтінген.
"Бұл абайсызда жасалған оқиға, онша ауыр қылмыс емес. Оның үстіне, ол бірінші рет істі болып отыр. Шын ниетпен өкініп, кешірім сұрайды. Асылбек Жұмабаевтың туыстарынан бір ай бойы кешірім сұраған, бірақ олар кешірмеді. Кешірім үшін қаражат та ұсынған, бірақ туыстары қабыл алмады", - дейді айыпталушының адвокаты.
Артынша жәбірленушілер тарапы прокурордың ұсынысына келісіп, айыпталушыны бес жылға соттауды сұраған. Тек жалғыз талаптары - ол рақымшылықпен шықпауы тиіс.
Сот барысында айыпталушы рөлге мас күйінде отырғанын мойындады. Ал бұған дейінгі сот отырысында ұйықтап кеттім деп айтқан болатын. Жәбірленушілер тарапы айыпталушының екі сөйлеп отырғанына наразылығын білдірді.
Еске салайық, Қазақ ұлттық медицина университетінің екінші курс студенті курьер болып жұмыс істеп жүрген кезінде жол апатына ұшыраған. 1 шілдеде оның мопедін Солтүстік шеңберде жеңіл автокөлік қағып кеткен. Асылбек Жұмабаев ауруханаға аса ауыр халде түскен. Көптеген алматылық жастар қан тапсырып, жәрдемдескен. Кейінірек, 6 шілдеде Асылбек Жұмабаевтың қайтыс болғаны хабарланған. Әлеуметтік желілерде Асылбектің қарындасы айыпталушы жазадан құтылып кетпекші екенін хабарлап, дабыл қаққан.
Показать комментарии
Читайте также
