"Ойынан айнып қалған". Желіде танысқан бойжеткенді алып қашқан жігіт сотталуы мүмкін

13 Шілде, 16:48
2
Иллюстрациялық сурет. © kloop.kg
Иллюстрациялық сурет. © kloop.kg

Алматы облысы Көксу ауданының тұрғынына адам ұрлау фактісі бойынша қылмыстық іс қозғалды, - деп хабарлайды Tengrinews.kz тілшісі облыстық Ішкі істер департаментіне сілтеме жасап.

Құқық қорғау органдарының мәліметінше, 24 жастағы жігіт әлеуметтік желі арқылы танысып, сөз байласқан бойжеткенді өмірлік жары етуге шешім қабылдаған. Алдын ала сүйіктісінің келісім де алған. Қалыңдығын ұлттық дәстүрге сәйкес алып қашып, үйіне келін қылып түсіреді.

Дегенмен, соңғы сәтте шешімін өзгерткен бойжеткен алғашқы ойынан айнып, некелесуден бас тартады. Үйіне кері қайтаруын сұрайды. Әкесін шақыртып, өз отбасына оралады.

"Алакөл ауданының тұрғыны 18 жастағы қызын алып қашып кеткені туралы шағым түсірді. Жедел-тергеу тобы жоғалған азаматшаны тауып, үйіне қайтарды", - делінген ресми ақпаратта.

Отбасын құрудың оңай емес екенін түсінген жігіттің үстінен ҚР Қылмыстық кодекстің 125-бабы бойынша қылмыстық іс қозғалып, соталды тергеу амалдары жүргізіліп жатыр. Дәстүрді ұстанамын деп заңға қайшы әрекетке барған азамат сотқа келу туралы мiндеттемемен босатылды.

Получить короткую ссылку


Нравится Поделиться
Пікірлерді көру (2)
Читают
Обсуждают
Сегодня
Неделя
Месяц