16 ноября 2021 | 13:38

"Мбаппе жалғыз шықса, 4:0 болар еді". Желіде Қазақстанның ірі жеңілісі әзілге айналды

Есет Тулеш

Футболдан Қазақстан құрамасы 2022 жылғы әлем чемпионатының іріктеу кезеңіндегі соңғы матчінде Франциядан 0:8 есебімен жеңіліп, антирекорд орнатқан еді. Қазнет қолданушылары бұл жеңілістен кейін әзілдеуден басқа шарасыз қалып отыр. Желіде Франция - Қазақстан матчінен кейін түрлі әзіл, мем тарады. Tengrinews.kz тілшісі әзілдерді жинап шықты.

Футболдан Қазақстан құрамасы 2022 жылғы әлем чемпионатының іріктеу кезеңіндегі соңғы матчінде Франциядан 0:8 есебімен жеңіліп, антирекорд орнатқан еді. Қазнет қолданушылары бұл жеңілістен кейін әзілдеуден басқа шарасыз қалып отыр. Желіде Франция - Қазақстан матчінен кейін түрлі әзіл, мем тарады. Tengrinews.kz тілшісі әзілдерді жинап шықты.

Негізі бұл матчке Қазақстанның көптеген ойыншысы жарақатына немесе сары қағазына байланысты қатысқан жоқ. Олардың қатарында құрама көшбасшысы Бахтиер Зайнутдинов те бар. Желідегілердің пайымдауынша, қазір Зайнутдинов матчке қатыспағанына қуанып жүрген шығар.

Ал бұл мемді қазақшаласақ "тапсырдым - қабылдадым" деп аталады. Себебі былтыр Қазақстан әйелдер құрамасы Франциядан 0:12 есебімен жеңілген еді. Ал таяуда Қазақстан ерлер құрамасы да Франциядан ірі жеңіліспен оралды.

Парижде өткен матч әзілкештердің де назарынан тыс қалмады.

Футболшыларды ағашқа теңеу - бұрыннан бар әзіл. Сенбідегі матчтен кейін Қазнет қолданушылары біздің футболшылардың сүреңсіз ойынын осылай бағалапты.

Қазақ футболын жиі сынға алатын файтер Қуат Хамитов бұл жолы да жеңілістен соң мәлімдеме жасады.

Ал қазақстандық жанкүйерлердің матч кезіндегі түрі Қазақстан құрамасының бас бапкері Талғат Байсуфиновтің осы суретіне ұқсаған шығар. Ел тарихындағы ең ірі жеңіліс болып жатқанда осылай көнуден басқа шара қалмайды.

Ал тағы бір желі қолданушылары құрамаға "Дикий Арман" ретінде танылған Арман Жұмагелдиев жетпеді деп әзілдеген. "Дикий Арман" биыл бокстан Сербиядағы әлем чемпионатында құрамаға қолдау көрсеткен сәттерінің видеосы желіде тараған еді.

Бұл әзілді түсіндірудің де керегі жоқ шығар.

Тағы бір футбол жанкүйерінің пікірінше, қазақстандықтарға бұл ойында қақпашы Александр Мокин қажет еді. Себебі биыл науызда "Астана Аренада" өткен Қазақстан - Франция матчінде ел қақпасын тәжірибелі Мокин күзеткен. Әлемнің үздік футболшыларының бірі саналатын Килиан Мбаппе сол ойында пенальтиден мүлт кетіп, Мокин қақпасынан саңылау таба алмай кеткен еді.

Ал Париждегі матчте Мбаппе төрт гол соқты. Килиан алаңға жалғыз шықса да, біздің футболшыларды 4:0 есебімен жеңер еді, деп әзілдейді желідегілер.

Бүгін Қазақстан құрамасы Тәжікстанмен жолдастық кездесу өткізеді. Қазақстан футбол федерациясы Тәжікстанға қарсы ойынмен Франциядағы жеңілісті ұмыттыруға тырысатындай көрінеді.

Франция Казахстан Сборная Казахстана по футболу Футбол Мемы Прикольные видео Социальные сети

Вопрос от автора

Что вы об этом думаете?