Астанада жыл басынан бері 20 адам ашық құдыққа түсіп кеткен

07 декабря, 14:56
2
Иллюстрация
Иллюстрация

Астанада жыл басынан бері 20 адам ашық құдыққа түсіп кеткен. Бұл туралы елорда әкімдігінің Tengrinews.kz тілшісінің ресми сауалына берген жауабында айтылады.

Қала әкімдігіндегілер Қалалық мониторинг және жедел әрекет ету орталығына жыл басынан бері ашық қалған құдықтар бойынша 3 280 өтініш келіп түскенін айтып отыр. Олардың 2 739-ның қақпағы болмаған немесе дұрыс жабылмаған. 

"Адамдардың ашық қалған құдыққа құлаған 20 жағдайы тіркелді. Бүгінгі таңда мұндай оқиғалардың алдын алу үшін Астана қаласы әкімінің орынбасары басшылық ететін жедел штаб құрылып, оның аясында орындаушылар мен құқық қорғау органдарының құрылымдары бірлесіп, құдық қақпақтарын ұрлау деректерімен айналысып жатыр", - делінген ресми жауапта.

Сондай-ақ, астаналықтардың құдық ашық қалғанда немесе оған адам құлаған жағдайда қала тұрғындарының Орталыққа "109" нөмірі бойынша хабарласа алатыны айтылады.

Получить короткую ссылку


Нравится Поделиться
Хотите больше статей? Смотреть все
Показать комментарии (2)
Читают
Обсуждают
Сегодня
Неделя
Месяц