06 декабря 2021 | 13:34

"Атасын қазақша сөйлетті". Жүрсін Ерман ДДСҰ басшысымен қалай құдандасқанын айтты

Ардак Култаев

Жүрсін Ерман, Тедрос Аданом Гебрейесус. © almaty.tv/facebook

Ақын, Қазақстанның еңбек сіңірген қайраткері Жүрсін Ерман Tengrinews.kz тілшісіне Дүниежүзілік денсаулық сақтау ұйымының бас директоры Тедрос Адханом Гебрейесуспен қалай құдандасқаны туралы айтып берді. Бұған дейін ұйым басшысы қазақ ақынын құттықтағанын жазған едік.

Ақын, Қазақстанның еңбек сіңірген қайраткері Жүрсін Ерман Tengrinews.kz тілшісіне Дүниежүзілік денсаулық сақтау ұйымының бас директоры Тедрос Адханом Гебрейесуспен қалай құдандасқаны туралы айтып берді. Бұған дейін ұйым басшысы қазақ ақынын құттықтағанын жазған едік.

Ақын ДДСҰ басшысымен құда екенін растады. Бірақ бұл жолғы құттықтауы Жүрсін Ерманның мерейтойына арналған екен.

"Менің Ардақ деген кіші қызым бар. Содан туған Айдана деген жиен қыз бар. Айдананы ертеде Жаңа Зеландияға оқуға жіберіп, мектепте оқытқанбыз. Тіл үйрену деген науқан басталған. Сол елдің мектебін бітірген соң Швейцарияға барып, өзі академияға оқуға түсті. Соны бітірген соң Испанияға барып, магистратурасын оқыды. Жиен қыз қазір 30-ға келді. Осыдан төрт жыл бұрын тұрмысқа шықты. Сол кезде Алматыда ұзату тойын жасадық. Сол шыққан күйеуі ВОЗ-дың (ДДСҰ-ны айтып отыр) бас директорының Оман деген үлкен баласы болып шықты. Сонда Айдананың қайын атасы болып тұр ғой", - деп пікір білдірді ақын.

Жүрсін Ерман биыл 70 жасқа толған мерейтойына Тедрос Адханом Гебрейесус арнайы видеоқұттықтау жібергенін атап өтті.

"Ол кісі Қарағандыға мерейтойыма келейін деп жатқан еді, бірақ ДДСҰ сессиясы болып, келе алмай қалды. Төрт жыл бұрын жұрты келіп, қызымды қазақша құда түсіп алған. (...) Жайшылықта сайрайды қазаққа ақыл айтып, енді өзі немере жиен қызын шетелдікке берді деп сайрап жатыр. Оған не істей аламын? Бірақ қызым домбыра тартады. Атасын қазақша сөйлетіп қойды. Оған рақметтен басқа айтарым жоқ", - деді Жүрсін Ерман.

Айта кетейік, Жүрсін Ерман 2 желтоқсанда 70 жасқа толды.

айтыс ВОЗ Свадьба

Вопрос от автора

Что вы об этом думаете?