+7 (777) 001 44 99
Қазақша
Русский
English
20 апреля 2021 | 15:30
Балалар арасында коронавирустан өлім-жітім тіркелген жоқ - дәрігерлер
Балалар арасында коронавирустан өлім-жітім тіркелген жоқ. Бұл туралы Алматы қалалық Балалар клиникалық жұқпалы аурулар ауруханасы бас дәрігерінің орынбасары Айнұр Уәлиева мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Балалар арасында коронавирустан өлім-жітім тіркелген жоқ. Бұл туралы Алматы қалалық Балалар клиникалық жұқпалы аурулар ауруханасы бас дәрігерінің орынбасары Айнұр Уәлиева мәлімдеді, - деп хабарлайды Tengrinews.kz тілшісі.
Айнұр Уәлиеваның айтуынша, маусымдық аурулармен ауруханаға түсетін балалардың саны да айтарлықтай азайған.
"Балалар арасында коронавирустан өлім-жітім тіркелген жоқ. Жылдағыдай маусымдық, инфекциялық аурулар, энтеровирустық аурулар, ЖРВ аурулары кездесіп тұрады. Алайда, коронавирусқа байланысты біз бір жылдан бері эпидемиологиялық шектеу жағдайларында өмір сүріп жатқандықтан қызылша, қызамық, желшешек, көкжөтел сияқты балалар инфекциялық ауруларының күрт төмендегенін, тіпті жоқтың қасы деп айтуға болатынын байқадық", - деді ол.
Сондай-ақ, ол пандемия басталғалы "коронавирустың алдын алу үшін қажет" деп жарнамаланатын дәрумендерге қатысты пікір білдірді.
"Балалардың, тіпті, ересектердің ағзасы әртүрлі дәруменге әртүрлі жауап қайтаруы мүмкін. Сондықтан, дәл осы дәрумен коронавирустың алдын алады, алып ішу керек деп айта алмаймыз, себебі дәруменнің өзі әр адамға жеке тағайындалуы тиіс. Егер балада қанның аздығы немесе соған бейімділік болса, дәрумен жеткіліксіздігінің белгілері байқалса міндетті түрде жергілікті дәрігерге барып, тиісті зертханалық тексерістен өтіп, расталған жағдайда дәрумен ішу тағайындалады", - деді Айнұр Уәлиева.
Дәрігердің сөзіне қарағанда, балаларға коронавирус жұқпау үшін, яғни алдын алу үшін ұсынылатын басты шаралар мыналар - таза ауада серуендеу, арақашықтықты сақтау, көп адам шоғырланған жерлерге, ауасы желдетілмейтін жерлерге бармау.
Показать комментарии
Читайте также
