+7 (777) 001 44 99
Қазақша
Русский
English
24 июня 2021 | 16:05
"Басшы қызметінен кетуі мүмкін". Мырзағали вакциналау паспортын сатқандар туралы
Вакцинацияның электрон паспортын сатқандардың басшысы қызметінен айырылуы мүмкін, - деп хабарлайды Tengrinews.kz тілшісі. Бұл туралы Алматы қаласы қоғамдық денсаулық басқармасы басшысының орынбасары Лаура Мырзағали онлайн-брифинг барысында мәлімдеді.
ПОДЕЛИТЬСЯ
Вакцинацияның электрон паспортын сатқандардың басшысы қызметінен айырылуы мүмкін, - деп хабарлайды Tengrinews.kz тілшісі. Бұл туралы Алматы қаласы қоғамдық денсаулық басқармасы басшысының орынбасары Лаура Мырзағали онлайн-брифинг барысында мәлімдеді.
Лаура Мырзағалидің айтуынша, Алматыда вакцинацияның электрон паспортын сату бойынша тіркелген жағдайлардан кейін басшыларға қатаң тапсырма берілген.
"Мұндай сыбайластық қауіп болмау үшін әркім өз ұжымын, екпе салатын пунктерін күнделікті тексеріп, бақылап отыруға міндеттелді. Қазіргі таңда бұл мәселеге әр медициналық ұйымның басшысы жауап береді, яғни, дербес жауапкершілік бар. Егер мұндай әрекеттер анықталып жатса басшы атқарып отырған қызметінен кетуі де мүмкін. Сондықтан, олар бұл туралы жақсы біледі және ескертілген", - деді Мырзағали.
Сонымен қатар, Лаура Мырзағали вакцина салдырғанын айтып, коронавирустың жылдам өзгеріп, жаңа штамдардың шығуына байланысты қайтара салу керек болса тағы да вакцина салдыруға дайын екенін атап өтті.
Еске салайық, бұған дейін Алматы тұрғыны бірнеше клиника атынан вакцинацияның электрон паспортын ұсынғаны хабарланған еді. Әр клиникаға байланысты паспорт бағасы 5 мыңнан 25 мың теңгеге дейін болған.
Осыдан кейін денсаулық сақтау министрі Алексей Цой вакциналау паспортын сату мәселесіне қатысты пікір білдіріп, жағдайды бақылауда ұстап отырғанын мәлімдеген еді.
Вопрос от автора
Что вы об этом думаете?
135
Комментарии проходят модерацию редакцией
Показать комментарии
Читайте также
