16 января 2024 | 10:50

"Базардан сатып алсақ, 3 рет соғым алар едік". Ет бағасы қанша теңгеден болып жатыр?

Фото ©️ Tengrinews.kz / Турар Казангапов

Қазақты жиі қасқырға балап жатады. "Көк бөрінің ұрпағымыз", "қасқыр мінезді" деп бір телісе, одан бөлек әзіл аралас "қазақ етті қасқырдан кем жемейді" деген сөз де бар. Расында да, қазақтың етке деген "махаббаты" бөлек. Бүгінде ет бағасы кез келген отбасының бюджетіне айтарлықтай салмақ салатыны жасырын емес. Оның үстіне күз, қыс мезгілінде етке сұраныс көбейеді. Massaget.kz тілшісі өңірлерде ет бағасы қаншадан болып жатқанына шолу жасады.

Қазақты жиі қасқырға балап жатады. "Көк бөрінің ұрпағымыз", "қасқыр мінезді" деп бір телісе, одан бөлек әзіл аралас "қазақ етті қасқырдан кем жемейді" деген сөз де бар. Расында да, қазақтың етке деген "махаббаты" бөлек. Бүгінде ет бағасы кез келген отбасының бюджетіне айтарлықтай салмақ салатыны жасырын емес. Оның үстіне күз, қыс мезгілінде етке сұраныс көбейеді. Massaget.kz тілшісі өңірлерде ет бағасы қаншадан болып жатқанына шолу жасады.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Атырау облысы

Өңір тұрғыны ет бағасы 2000 теңгеден басталатынын айтады. Оның сөзінше, баға ауылдық жер мен қалада әртүрлі.

"Ауылдық жерлерде 2000 теңге, қалада 2400 теңгенің шамасында. 2400 теңге деген - түйе етінің, сиыр етінің бағасы. Өзіміз ай сайын ет алмаймыз. Тек қыста, күзде аламыз. Бірақ қыс басталарда алғаным бітіп қалып, тағы 50 мың теңгеге бір жілік ет сатып алдым", - дейді ол.

Атырау тұрғыны бір жылға етке айтарлықтай көп ақша кететінін жеткізді. Бұл туыс-туғанның сәлемдемен жіберетін етінен бөлек өздері сатып алатын етіне кететін қаржы екен.

"Бір жылға етке 300-400 мыңдай кетеді. Бұл адам санына байланысты. Бізде екі ересек адам, үш бала. Сатып алсақ, 400-500 мыңның еті ғой. Бізде ауылдардан туыстарымыз жіберген соң, өзіміз сатып алғанға 300-400 мыңдай кетеді. Кісі саны көп болса, одан да көп кететін болар", - деп түсіндірді ол.

Маңғыстау облысы

Ақтау қаласының тұрғыны ет бағасы 2400 теңгеден басталатынын айтты.

"Ай сайын бір жіліктен алып тұрамыз. Көбіне жылқы етін аламыз. Негізі өтімдісі - сиыр еті. Ол 2500 теңгеден басталады", - дейді Ақтау тұрғыны.

Жаңаөзен тұрғынының сөзінше, қалада ет бағасы жиі өзгереді. Кейде 2600 теңге, кейде 2700-2800 теңге болады.

"Сататын мал көп келіп тұрса, баға да түседі. Кейінгі бір алғанымда 2650 теңге болды. Ал жуырда бір жылқыны бөліп, етін алдық. Ол кезде келісі 2500 теңге болды. Бір жылға қанша кетінін нақты айта алмаймын, бірақ көп кетеді. Өйткені кеше алған жылқы еті тағы бітіп қалды. Кейінгі екі-үш айдың өзінде 50 мыңдап, 70 мыңдап бірнеше рет алдым", - дейді ол.

Батыс Қазақстан облысы

Орал тұрғыны қалада сиыр етінің бір келісі 2400-2600 теңге көлемінде екенін, тартылған ет 2800 теңге екенін, ал қазы 3000 теңгеден басталатынын айтады.

"Жылқы етінің келісі - 2800 теңге. Сиырдың бір аяғы 87-120 мың аралығында шығады. Бұл ет орташа алғанда 2 айға жетеді. Ал бір қойдың етін бір ай жейміз", - дейді ол.

Тағы бір Орал тұрғыны көбіне сиыр мен жылқы етін бөліп алатынын жеткізді.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Вопрос от редакции

Что вы об этом думаете?