![](/userdata/user/c2fa7efd53759398df2e9294d536bbe6.jpg)
ПОДЕЛИТЬСЯ
Әлеуметтік желілерде елімізде коронавирус жұқтырғандардың басым бөлігі қант диабетіне шалдыққандар деген ақпарат тараған болатын. Алайда Денсаулық сақтау министрлігінің мамандары бұл ақпаратты жоққа шығарды, - деп хабарлайды Tengrinews.kz тілшісі.
Әлеуметтік желілерде елімізде коронавирус жұқтырғандардың басым бөлігі қант диабетіне шалдыққандар деген ақпарат тараған болатын. Алайда Денсаулық сақтау министрлігінің мамандары бұл ақпаратты жоққа шығарды, - деп хабарлайды Tengrinews.kz тілшісі.
ҚР Денсаулық сақтау министрлігіне қарасты Медициналық көмекті ұйымдастыру департаменті басшысының міндетін атқарушы Гүлнар Сәрсенбаеваның айтуынша, коронавирус жұқтырғандардың басым бөлігінде қанайналым жүйесінің аурулары болған.
"2021 жылғы 1 қаңтар мен 1 маусым аралығындағы жедел деректер бойынша ("стационарлық науқастардың электрондық тіркелімі" ақпараттық жүйесінен), коронавирус инфекциясынан емделіп шыққандардың саны - 125 618. Олардың ішінде созылмалы аурулары басым - қанайналым жүйесінің аурулары (28 038 адам). Одан кейінгі орында - тыныс ағзаларының аурулары (9 689 адам), эндокриндік жүйе аурулары, тамақтану мен зат алмасуының бұзылулары (7 944 адам) және асқорыту ағзаларының аурулары (2 081 адам) тұр", - деді Сәрсенбаева.
Айта кетейік, бұған дейін Гүлнар Сәрсенбаева коронавирус пен қан тобының байланысы және вакцинаның жүкті болуға әсері туралы айтқан болатын.
Созылмалы ауруы бар адамдарға да вакцина салуға болады - маман