16 октября 2021 | 17:00

"Ең ауыр нәрсе, құдай басқа бермесін!" Айгүл Қосанованың отбасындағы қиын кезең туралы

Дәстүрлі әнші, домбырашы, Қазақстанның еңбек сіңірген қайраткері Айгүл Қосанованың жары Жүніс Сәлімгереев "Жетінші арнадағы" "Жұлдыздың жары" жобасының қонағы болды, - деп хабарлайды Tengrinews.kz тілшісі.

Дәстүрлі әнші, домбырашы, Қазақстанның еңбек сіңірген қайраткері Айгүл Қосанованың жары Жүніс Сәлімгереев "Жетінші арнадағы" "Жұлдыздың жары" жобасының қонағы болды, - деп хабарлайды Tengrinews.kz тілшісі.

Ол Жұлдыз Абдукаримоваға берген сұхбатында жарымен танысқан кезі, кәсібі, үйленуі тойы, өмірдегі ең бақытты сәті туралы әңгімелеп, отбасының басына түскен қиын сәтті есіне алды.

Бағдарлама қонағы едәуір жас айырмашылығына қарамастан, жарымен қалай танысқанын айтып берді.

"Айгүлмен 1997 жылы таныстым. Қазақстанда Ұлттық гвардия оркестрі бар, сол оркестрде Айгүл әнші болып жұмыс істеген. Менің жерлестерім облыстық филармонияның концерт залына шақырып, ең алғаш көрген кезім концертте болған", - деді ол.

Бағдарлама қонағы жарының өнеріне емес, өзіне ғашық болғанын, тіпті ата-анасы қойған талаптарды орындауға қарсы болмағанын айтты.

"Отбасын құрғанымызға 24 жыл болды. Үйленген кезде де ата-анасының қойған талаптарының бірі - "Айгүл - өнер адамы. Үйленген кезде отбасы, ошақ қасында қалып қоймасын. Өмірін өнерге арнаймын деп келген адам болғасын, сен оған қысым жасама" деді. Қазақта "Аманатқа қиянат жасама" деген сөз бар. Мен кімге үйленіп жатқанымды білгендіктен, Айгүлдің концерті мен сапарларына кедергі жасамаймын. Өнерде танымал болуына барынша көмектесіп келе жатырмын", - деді ол.

Сонымен қатар, қызық оқиғасын есіне алды.

"Жолы болған жігіттердің бірімін. 1987 жылы стадионға жаяу барып, сол стадионда лотерея ойнатып, көлікпен қайтқан қазақпын. "Жигули 21 063" деген көлік болды. Ол кезде ең мықты машина "Волга" мен "Жигули" болған. Сол менің бағым деп ойлаймын", - деп қызық оқиғасын бөлісті ол.

Айта кетейік, бағдарлама қонақтарының арасында әзілкеш Қанат Әлжаппаровтың, әнші Төреғали Төреәлінің, актер Рүстем Жаныамановтың және тағы басқа жұлдыздардың жұбайлары болады.

Бүгін сағат 10:00-де "Жетінші арнадан" "Жұлдыздың жары" шоуының екінші шығарылымы көрсетілген еді. Ал сағат 17.00-де TengriTV YouTube-арнасына жариялап отырмыз. Жазылуды ұмытпаңыз!

Әр сенбіде "Жұлдыздың жары" жобасын "Жетінші арнадан" сағат 10:00-де тамашалаңыздар.

Жұлдыз Абдукаримова - Қайрат Нұртастың әйелі. Ол 2017 жылы "Арман. Когда ангелы спят" фильміне түскен. 2020 жылы "Әлем ханымы - 2020" атағын жеңіп алды. Ал 2021 жылы "Сезін" кітабын шығарды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Шоу бизнес YouTube Видео Интервью

Вопрос от редакции

Что вы об этом думаете?