+7 (777) 001 44 99
Қазақша
Русский
English
23 июля 2021 | 10:56
Қарағандыда үш баланың анасы дәрігер қателігінен сал болып қалды
Қарағандыда үш баланың анасы дәрігер тексермей тағайындаған дәріден сал болып қалды, - деп хабарлайды Tengrinews.kz тілшісі Aibat ақпарат қызметіне сілтеме жасап.
ПОДЕЛИТЬСЯ
Қарағандыда үш баланың анасы дәрігер тексермей тағайындаған дәріден сал болып қалды, - деп хабарлайды Tengrinews.kz тілшісі Aibat ақпарат қызметіне сілтеме жасап.
Ақпараттық қызмет мәліметінше, жекеменшік клиникаға өз аяғымен ем іздеп барған келіншек үш жылдан бері төсек тартып жатыр. Айғайым Сейдуалиеваның кеудесінде жан бар демесең, тіршілік белгілері жоқ. Анасын бағып отырған ұлы Алмастың сөзінше, қылмыстық іс төрт рет қатарынан түрлі себеппен жабылған.
"Аппалиялық шок" кез келген кезде болуы мүмкін. Анамның организмін кінәлап жатыр. Негізі дұрыс тағайындалмаған антибиотиктің кесірінен болып тұр. Ол дәрігер мен кінәлі емеспін деп отыр", - дейді Алмас Жеңісбек.
Дәрігер "Ротацеф" препаратын үй жағдайында салдыртыңдар деп жазып берген. Алайда, Айғайым Сейдуалиеваның әу бастағы ауруын ол дәрімен емдеуге 2015 жылы тыйым салыныпты. Ол аздай дәрігер науқастан аллергиялық сынама да алмаған.
"Дерматовенеролог дәрігердің жіберген қателіктері анықталды. Оның қолданған емі ақылға қонымсыз және қисынсыз. Бұған қоса, ол науқасты клиникалық емдеуге жібермеген. Ал ақылы түрде жүргізілген қабылдау барысында жасалған келісімшартта науқас өз кезегінде аллергиясы бар ма, жоқ па деген пункттерді толтырмаған", - дейді облыстық фармацевтикалық бақылау комитеті департаменті басшысының орынбасары Гүлмира Бекзатова.
Ақпараттық қызмет мәліметінше, тергеушілер сот-медициналық сараптаманың қорытындысы бойынша дәрігердің әрекетінде қылмыс жоқ деп істі жауып тастаған. Жәбірленушінің адвокаты тергеуші мен дәрігердің арасында келісім болуы мүмкін деп күдіктенеді.
"Олар екінші сараптаманы негізге алады. Парадокс заключается в том, что официальный диагнозы аллергический шок. Официальный диагнозы әлі күнге дейін сол қалпында тұр", - дейді адвокат Шарапат Ахметов.
Бүгінде үш баланың анасының сал болып қылуына қатысы бар деген дәрігер жекеменшік клиникадан шығып кеткен. Қазір оның қайда істейтіні белгісіз. Ал медициналық мекеменің жетекшісі оқиға үш жыл бұрын болды ғой деп пікір беруден бас тартқан. Енді отбасы прокуратураға шағымданбақ.
Показать комментарии
Читайте также
