+7 (777) 001 44 99
Қазақша
Русский
English
20 января 2022 | 13:01
"Қасіретті қаңтар": Тоқаев кімдерді сынға алды?
Қазақстанда 2022 жыл жаппай тәртіпсіздікпен басталды. Күні бүгінге дейін елде түрлі кадрлық өзгеріс болды. Тәртіпсіздіктер кезінде сынға қалып, қызметінен босатылғандар да болды. Tengrinews.kz тілшісі жаппай тәртіпсіздік кезінде Президент Тоқаев сынаған шенеуніктер туралы баяндайды.
ПОДЕЛИТЬСЯ
Қазақстанда 2022 жыл жаппай тәртіпсіздікпен басталды. Күні бүгінге дейін елде түрлі кадрлық өзгеріс болды. Тәртіпсіздіктер кезінде сынға қалып, қызметінен босатылғандар да болды. Tengrinews.kz тілшісі жаппай тәртіпсіздік кезінде Президент Тоқаев сынаған шенеуніктер туралы баяндайды.
Ең әуелі Президент 11 қаңтарда өткен Мәжіліс отырысында Ұлттық қаіпсіздік комитеті "маңызды қауіпті байқамады" деп сынға алды. Тоқаев жыл басынан бері болған барлық жағдай бір тізбектің тармақтары деуге толық негіз барын атап өтті. Яғни бұл бірнеше жыл бойы алдын ала ойластырылған зұлымдықтың көрінісі.
"Олардың көздегені - өздерінің қатыгез пиғылдарын іске асыру болғаны айдан анық. (...) Ұлттық қауіпсіздік кеңесі уәкілетті орган ретінде бұл іріткіге нақты баға бере алмады және бергісі де келмеді. Ұлттық қауіпсіздікке төнген маңызды қауіпті байқамады", - деген еді Тоқаев Мәжіліс отырысында.
Сонымен қатар, Тоқаев Ұлттық қауіпсіздік комитетінің департаменттері құпия құжаттарды тастап кеткенін айтып сынға алды. Президенттің айтуынша, бәрі бірдей өз міндетіне адалдық таныта алмаған.
"Қазақстанның бірқатар қаласында ҰҚК департаментінің басшылары жеткілікті әскери арсеналға қарамастан, ұрысқа қатыспай, қару-жарақ пен құпия құжаттарды сол жерде қалдырып, ғимараттарды тастап кетті", - деді Тоқаев Мәжіліс отырысында.
Ал бұрынғы қорғаныс министрі Мұрат Бектанов жаппай тәртіпсіздік кезінде командир ретінде қабілетін көрсете алмағаны үшін сынға қалды.
Президент Қарулы Күштерге деген талап күшейе түскеніне тоқталды.
"Командалық-штабтық және әскери жаттығулар кезінде оң нәтиже көрсеткен әскеріміз бола тұра, сын сағатта оның әлеуетін пайдалана алмадық. Сырттан көмек шақыруға мәжбүр болдық", - деді ол.
Президент елдегі армияның техникалық және жауынгерлік техникасы ескіргенін атап өтті. Тоқаевтың айтуынша, әскердегі қару-жарақтардың көбі 30-50 жыл болған кеңес дәуіріндегі техника.
"Ескірген техникалардың мерзімі өткеніне байланысты қару-жарақ паркін жаңарту үшін шұғыл шаралар қабылдау қажет. Қарулы Күштер заманауи әрі жоғары технологиялық қару-жарақпен, әскери техникамен жабдықталуы тиіс. Қабылданатын шаралар жүйелі болуы керек. Қару-жарақ пен әскери техниканы жөндейтін, оларға қызмет көрсететін отандық өндірісті дамыту қажет", - деді Жоғарғы Бас қолбасшы.
Мемлекет басшысы әскердің шұғыл әрекет ету қабілетін арттырып, әскери-транспорттық авиацияның әлеуетін күшейту қажет екеніне тоқталды. Оның айтуынша, әскери борышты өтеу міндетінің беделін көтеріп, абыройын арттыру қажет.
Одан бөлек, Тоқаев қаңтар оқиғасының сабақтарын ескере отырып, қару-жарақ және әскери техника сатып алу жөніндегі 2022 жылға арналған жоспарды қайта қарауды және Қарулы Күштердегі кадрлық әлеуетті арттыру шараларын қабылдауды тапсырған.
Вопрос от автора
Что вы об этом думаете?
135
Комментарии проходят модерацию редакцией
Показать комментарии
Читайте также
