+7 (777) 001 44 99
Қазақша
Русский
English
20 августа 2021 | 13:40
"Қазпошта" өз қызметкерлерін опа-далап сатуға міндеттей ме?
Желіде "Қазпошта" қызметкерлеріне белгілі бір тауарларды сатуға міндеттегені жазылған сурет тарады. Онда қызметкерлерге көлік сақтандыруды, опа-далаптарды сатуға талап етіледі. "Қазпошта" баспасөз қызметі бұған жауап берді, - деп хабарлайды Tengrinews.kz тілшісі.
ПОДЕЛИТЬСЯ
Желіде "Қазпошта" қызметкерлеріне белгілі бір тауарларды сатуға міндеттегені жазылған сурет тарады. Онда қызметкерлерге көлік сақтандыруды, опа-далаптарды сатуға талап етіледі. "Қазпошта" баспасөз қызметі бұған жауап берді, - деп хабарлайды Tengrinews.kz тілшісі.
Әлеуметтік желіде тараған ақпаратта Жамбыл облысындағы өңірлер жазылған.
"Мына жоспарды айдың аяғында орындауларыңызды талап етемін. Шектелмейді, бұдан да асырып орындауымыз қажет. Айдың бітуіне санаулы күн қалғандықтан, осылай жөн көрдім. Айлық есепте қаралатынын ескертемін", - деп жазылған хабарламада.
Сондай-ақ, онда сатылған қызмет түрлері бойынша есеп беріп отыру керегі жазылған.
Фото: facebook.com/zhasulan.abdihalyk
"Қазпошта" АҚ баспасөз қызметі косметикалық өнімдер мен түрлі қызмет сатылатынын растады.
"Қазпошта" АҚ-ның еліміз бойынша 3 мыңнан аса бөлімшесі бар. Онда 20 мыңнан аса адам еңбек етеді. Компания коммерциялық мекеме болғандықтан, нарықтық жағдайда қызметкерлер штатын және ауылдардағы, аудандардағы және қалалардағы бөлімшелердің кең желісін қамтамасыз ету үшін табыс табуы қажет. Бұл ретте компания жаңа бағыттарды дамытып, серіктестермен ынтымақтастықта жұмыс істейді. Оның ішінде агенттік қызметтер бар. Елді мекен тұрғындарына мемлекеттік және әлеуметтік қызметтер, коммуналдық төлемдерді төлеу, депозит ашу, несие рәсімдеу, теміржол билеттерін сатып алу немесе косметикалық өнімге тапсырыс беру ұсынылған. Бұл ауыл тұрғындарына үлкен қалаларға бармай-ақ, тиісті қызметтерге қол жеткізуге мүмкіндік береді", - деді "Қазпошта" өкілдері.
Баспасөз қызметіндегілердің хабарына қарағанда, компания мамандары үшін қызметтердің белгілі түрлері бойынша ай сайынғы жалақысына қосымша төлем алу және кірістерін арттыру мүмкіндігі бар.
Ал "Бұл өнімдер мен қызметтерді сату міндеттеле ме?" деген сұраққа "Қазпошта" өкілі "жоқ" деп қысқа қайырды.
Еске салайық, бұған дейін Алматы облысында "Қазпошта" қызметкері зейнеткерді әтірсу сатып алуға мәжбүрлегені хабарланған еді. Еңбекшіқазақ ауданындағы Бәйтерек ауылында зейнеткерді "Қазпошта" бөлімшесіндегілер 3 500 теңгеге әтірсу сатып алуға мәжбүрлеген.
Показать комментарии
Читайте также
