Қоқысты энергия көзіне айналдыру көзделген заң жобасы бірінші оқылымда мақұлданды

Бүгін мәжілістің жалпы отырысында "Қазақстан Республикасының кейбір заңнамалық актілеріне қалдықтарды энергетикалық кәдеге жарату мәселелері бойынша өзгерістер мен толықтырулар енгізу туралы" заң жобасы талқыға салынды. Құжатты депутат Құралай Қарекен таныстырды.

Оның айтуынша, заң жобасының тұжырымдамасында тұрмыстық қатты қалдықтарды жағу арқылы оларды кәдеге жарату көзделеді.

"Қазіргі таңда зауыттар қоқысты тек сұрыптап, қайда өңдейді. Ал енді елімізде жаңа іске қосылатын зауыттар өңдеуден қалған қалдықтарды өртейді. Нәтижесінде энергия алынады", - деді ол.

Сондай-ақ, депутат заң жобасының маңызды аспектісі электр энергиясын алу үшін қалдықтарды энергетикалық кәдеге жарату бойынша сегментті қолдауға бағытталған нормалар болып саналатынын атап өтті.

Аталған заң жобасы бірінші оқылымда мақұлданды.