08 февраля 2020 | 23:37

Қордайдағы қақтығыс: Роза Рымбаева қазақстандықтарға үндеу жасады

Ардак Култаев

Роза Рымбаева. Фото: instagram.com/rozarymbaeva

Қазақстанның халық әртісі Роза Рымбаева Жамбыл облысы Қордай ауданында болған қақтығысқа қатысты қазақстандықтарға үндеу жасады, - деп хабарлайды Tengrinews.kz тілшісі.

Қазақстанның халық әртісі Роза Рымбаева Жамбыл облысы Қордай ауданында болған қақтығысқа қатысты қазақстандықтарға үндеу жасады, - деп хабарлайды Tengrinews.kz тілшісі.

Әнші көп ұлтты ауылда туып-өскенін атап өтті.

"Мен көп ұлтты ауылда туып-өстім. Әр түрлі ұлт өкілдерінен болған көршілерімізбен тату-тәтті өмір сүрдік. Меніңше, бір ауылда тұратын көршілер ұлтқа бөлінбестен бір-біріне мейірімді болып, құрмет көрсетіп, өскелең ұрпаққа үлгі бола білуі керек. Көп ұлтты, бірлігі жарасқан ел екендігімізді ұмытпайық", - деп жазды Рымбаева Instagram желісіндегі парақшасында.

Сонымен қатар, ол түсініспеушілік, дау-дамай ешкімге жақсылық әкелмейтінін, сондықтан қазақстандықтарды ақылды болуға, араңдатуға жол бермеуге шақырды.

Посмотреть эту публикацию в Instagram

Мен көп ұлтты ауылда туып өстім. Әр түрлі ұлт өкілдерінен болған көршілерімізбен тату-тәтті өмір сүрдік. Меніңше, бір ауылда тұратын көршілер ұлтқа бөлінбестен бір-біріне мейірімді болып, құрмет көрсетіп, өскелең ұрпаққа үлгі бола білу керек. Көп ұлтты, бірлігі жарасқан ел екендігімізді ұмытпайық. Түсініспеушілік, дау-дамай ешкімге жақсылық әкелмейді, ақылды болайық, араңдатушылыққа жол бермейік.

Публикация от Роза Рымбаева (@rozarymbaeva) 8 Фев 2020 в 7:25 PST

Масанчидегі қақтығыстан қаза тапқандардың тізімі жария болды

Еске салайық, 7 ақпанда Қордай ауданы Масанчи ауылында тұрғындардың арасында жаппай төбелес болды. Президент Қасым-Жомарт Тоқаев бұзақылықтан туған қақтығысты арандатқысы келгендер туралы айтты. Қордай ауданындағы оқиғаның салдарынан 8 адам қаза тауып, тағы 40 адам зардап шеккен.

Жамбылская область Конфликт Правоохранительные органы Кордай ЧП

Вопрос от автора

Что вы об этом думаете?