+7 (777) 001 44 99
Қазақша
Русский
English
16 июня 2020 | 17:54
Коронавирус: аурудың жеңіл формасы қандай және ол байқалса не істеу керек?
Денсаулық сақтау министрі міндетін уақытша атқарушы Ләззат Ақтаева COVID-19 вирусының жеңіл формасы қандай болатынын айтты, деп хабарлайды Tengrinews.kz тілшісі.
ПОДЕЛИТЬСЯ
Денсаулық сақтау министрі міндетін уақытша атқарушы Ләззат Ақтаева COVID-19 вирусының жеңіл формасы қандай болатынын айтты, деп хабарлайды Tengrinews.kz тілшісі.
Алдымен ол коронавирус инфекциясы жеңіл, орташа ауыр және ауыр деп бөлінетінін атап өтті. Оның айтуынша, үйдегі бақылауда симптомсыз және жеңіл формасы байқалған науқастар болады.
"Аурудың жеңіл формасының белгілеріне тоқталайын. Біріншіден, науқас демалғанда қиналмауы әрі ентікпесі болмауы қажет. Тыныс алу жиілігі 1 минутта 24 тыныс қозғалысынан кем болмауы шарт. Дене қызуы қалыпты немесе 38 градустан жоғары болмауы керек. Сонымен қатар, тамақтың қызаруы, жыбырлауы, мұрынның бітелуі, жөтел, 1 минутта тамыр соғысы 80-нен аспауы керек", - дейді министрдің міндетін уақытша атқарушы Facebook желісінде өткен брифингте.
Ләззат Ақтаева бұл белгілерді науқастардың өздері де бақылай алатынын жеткізді.
Сондай-ақ, ол қандай жағдайда үйде емделуге болмайтынын түсіндірді.
"Егер ентікпе пайда болып, тыныс алу жиілігі 1 минутта 24 тыныс қозғалысынан асса, дене қызуы 38 градустан жоғары болса, науқас үйде емделмеуі керек. Сонымен қатар, науқаста уланудың белгілері байқалса, яғни басы ауырса, терлей берсе, өзін әлсіз сезінсе, тәбеті төмендесе, бұлшықеті ауырса, жөтелсе, әрең дамалса, құсса, денесінде бөртпе пайда болса, бұл оның денсаулығы нашарлағанын білдіреді. Мұндай жағдайда ол үйде болмауы қажет. Науқас инфекциялық ауруханаға жатқызылуы тиіс", - деп түйіндеді сөзін басшы.
Айта кетейік, елімізде коронавирус жұқтырғандар саны 15 192-ге жетті. 9 388 науқас дертінен айықты, 81 адам қайтыс болды. Ал симптомсыз науқастардың саны 5 492 болды.
Показать комментарии
Читайте также
