+7 (777) 001 44 99
Қазақша
Русский
English
18 января 2022 17:54
"Өзіміз кінәлі" - Тоғжанов эпиджағдай нашарлауы туралы
Премьер-министрдің орынбасары Ералы Тоғжанов ОКҚ брифингінде елімізде эпидемиологиялық жағдай нашарлағанын айтты, - деп хабарлайды Tengrinews.kz тілшісі.
ПОДЕЛИТЬСЯ
Премьер-министрдің орынбасары Ералы Тоғжанов ОКҚ брифингінде елімізде эпидемиологиялық жағдай нашарлағанын айтты, - деп хабарлайды Tengrinews.kz тілшісі.
Ералы Тоғжанов екі жылда Қазақстанда 18 мыңнан аса адам қайтыс болғанын еске салды.
"Біз өзімізге де, айналамыздағы жақындарымызға да жанашыр болуымыз керегі сөзсіз. Біз коронавирус зардабынан екі жылдың ішінде 18 мыңнана аса адамнан айырылып қалдық. Бейбіт күнде арамыздағы ардақтыларымызды жоғалтқанымызды естен шығармаған абзал деп ойлаймын", - дейді ол.
Премьер-министрдің орынбасары бұл жағдайға той жасап, қонаққа барып жүргендер кінәлі екенін айтты.
"Қаталдау естілсе де, айтайын, бұл жағдайға өзіміз кінәліміз. Тығылып қонаққа барамыз, мейрамханалардың артқы есіктерінен кіріп той жасау, маска тағуды қажет деп санамау, санитариялық талаптарды қабыл көрмеу сияқты әрекеттеріміздің салдарынан қаншама адам қайтыс болып кеткенін өздеріңіз жақсы білесіздер. "Тәртіп - тәрбие бастауы, тәртіпсіздік өмірдің қас жауы" деп аталарымыз бекер айтпаған деп ойлаймын", - деді Ералы Тоғжанов.
Показать комментарии
Читайте также
