+7 (777) 001 44 99
Қазақша
Русский
English
12 ноября 2021 | 16:33
Ішкі істер министрі Халық Қаһарманының ерлігін еске алды
Ішкі істер министрі Ерлан Тұрғымбаев Халық Қаһарманы Ғазиз Байтасовтың ерлігін еске алды, - деп хабарлайды Tenginews.kz тілшісі. Министр бұл туралы Facebook желісіндегі парақшасында жазды.
ПОДЕЛИТЬСЯ
Ішкі істер министрі Ерлан Тұрғымбаев Халық Қаһарманы Ғазиз Байтасовтың ерлігін еске алды, - деп хабарлайды Tenginews.kz тілшісі. Министр бұл туралы Facebook желісіндегі парақшасында жазды.
"Бүгін өз заманының қабағын баққан қабырғалы азамат, сүйемдей жері үшін, елі үшін сүйегін қалдырған, тегеурінді мінезімен, көзсіз ерлігімен талайға үлгі болған - Халық қаhарманы Ғазиз Байтасовтың арамыздан кеткеніне тура 10 жыл толды.
Жараны уақыт емдейді. Бірақ кәсіби қызметкер, ардақты әке, сенімді әріптес, елінің есіл ері - Ғазиздай азаматтың орны ойсырап тұратыны сөзсіз.
Ішкі істер органдарындағы әріптестері батырдың жанқиярлық ерлігін ешқашан ұмытпайды. Оның биік азаматтық болмысын, үлкен патриоттық сезімін, Отан алдындағы борышына деген адалдығын үлгі тұту үшін бүгін аймақтағы барлық полиция бөлімшелерінде Ғазиз Байтасовты еске алу шаралары ұйымдастырылды. Ескерткішіне гүл шоқтары қойылып, бір минут үнсіздік жарияланды. Оқушылар мен студенттер үшін ішкі істер департаменттеріндегі мұражай есігі ашылып, бейбіт заманда қандықол қылмыскерлердің қолынан қаза тапқан қайсар қызметкерлер туралы естеліктер айтылды.
Тәуелсіздік алғалы 800-ден астам қызметкер жұмыс бабында қаза тауып, 3 мыңға жуық полицей түрлі жарақат алды.
Қауіптің бел ортасында жүретін полицейлердің жұмысы оңай емес. Олар қоғам тыныштығын күзетіп қана қоймай, қиындыққа тап болған қаншама жанды ажалдан арашалап, өмірлерін құтқарып қалады. Олар өзгелердің өмір сүруі үшін өздерінің өмірлерін тәуекелге тіккендер.
Еліміз ержүрек батырларын әрдайым құрмет тұтады. Олардың ерлік істері кейінгі ізбасарларына қашанда үлгі", - деп жазды министр.
Еске салайық, полицей Ғазиз Байтасов 2011 жылы 12 қарашада Таразда лаңкесті ұстау кезінде қаза тапқан. Ол кезде жасы 40-та болатын. Кейін оған Халық Қаһарманы атағы беріліп, Таразда ескерткіш орнатылған болатын.
Показать комментарии
Читайте также
