"Шығын - 1,8 миллиард теңге". Қазақстанда жыл басынан бері 191 орман өрті тіркелген

Қазақстанда жыл басынан бері 191 орман өрті тіркелген, - деп хабарлайды Tengrinews.kz тілшісі. 

Бұл туралы Орталық коммуникациялар қызмет алаңында экология, геология және табиғи ресурстар министрі Мағзұм Мырзағалиев айтты.

Министрдің айтуынша, орман өрттерінен 1 миллиард 800 миллион теңге шығын келген. 

"Орман өрттерінің алдын алу жұмыстары да жалғасып жатыр. Өртенген орман алқаптарының көлемі былтырмен салыстырғанда төмендеді. Алайда қабылданып жатқан шараларға қарамастан жыл басынан бері 16 мың гектардан аса аумақта 191 орман өрті тіркелді. Өрттен келген шығын 1 миллиард 800 миллион теңге. Орман алқаптарының жағдайын қоғам тарапынан күшейту үшін арнайы веб-сайт іске қосылды", - дейді министр. 

Қазақстан жаңалықтары. Соңғы жаңалықтар. Telegram желісінде бізге жазыл!