10 июля 2020 | 13:55

Тоқаев білім беру жүйесін сынға алды

Даурен Ерболат Журналист

Фото: ©Тұрар Қазанғапов

Мемлекет басшысы Қасым-Жомарт Тоқаев коронавирус пандемиясы кезіндегі қашықтан білім беру жүйесін сынға алды, деп хабарлайды Tengrinews.kz тілшісі.

Мемлекет басшысы Қасым-Жомарт Тоқаев коронавирус пандемиясы кезіндегі қашықтан білім беру жүйесін сынға алды, деп хабарлайды Tengrinews.kz тілшісі.

Алдымен Президент отандық білім беру саласында өзекті мәселе барын ашық айтты.

Қазақстан Президенті: Қашықтан оқыту әдісіне көшу ісі инфрақұрылым мен интернет сапасына қатысты елеулі мәселелердің бар екенін көрсетті. Мұғалімдердің 20 пайыздан астамы үйлерінде толыққанды интернет пен компьютер жоқ болғандықтан, қашықтан тиімді оқыта алмады.
— Ақорда Баспасөз қызметі (@AkordaPress) July 10, 2020

Сондай-ақ, ол коронавирус пандемиясы кезінде бұл салада өзекті мәселелер байқалғанын атап өтті.

Қ.Тоқаев: Мектептердің балансындағы 400 мыңнан астам компьютердің тек 40 пайызы ғана іске жарады. Бұл – әкімдіктер мен министрліктің жұмысының нәтижесі. Әкімдіктер жаңа оқу жылына дереу дайындалып, мектептер мен жекелеген мұқтаж отбасыларды қажетті техникамен жабдықтауға тиіс.
— Ақорда Баспасөз қызметі (@AkordaPress) July 10, 2020

Қазақстан президенті үкіметке жыл соңына дейін елді мекендерді сапалы интернетпен қамтамасыз етуді тапсырды.

Президент Қасым-Жомарт Тоқаев: Үкіметке жыл соңына дейін 250 мыңнан астам тұрғыны бар елді мекендерді сапалы интернетпен қамтамасыз етуді тапсырамын. Бұл халқымыздың 99,3 пайызын қамтиды.
— Ақорда Баспасөз қызметі (@AkordaPress) July 10, 2020

Айта кетейік, Мемлекет басшысы үкіметтің кеңейтілген отырысын өткізіп жатыр.

Отырыста үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп беріп жатыр.

Сондай-ақ, коронавирусқа қарсы күреске қатысты қабылданған шаралар, Мемлекет басшысының үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады.

Осыған дейін Қасым-Жомарт Тоқаев халықты жұмыспен қамту бағдарламасын сынап, бірқатар басшыны қызметінен босатуды тапсырғанын, жер шетелдіктірге сатылмайтынын, тиімсіз шығындарды қысқарту керегін айтқан еді.