18 августа 2021 | 09:43

Цой елде әлі де коронавирустан үйде емделетіндер барын айтты

Камила Долаева Корреспондент

Фото: Tengrinews.kz/Тұрар Қазанғапов

Денсаулық сақтау министрі Алексей Цой үкімет отырысында Қазақстанның эпидахуалы кейінгі үш аптада тұрақталып келе жатқанын айтты, - деп хабарлайды Tengrinews.kz тілшісі.

Денсаулық сақтау министрі Алексей Цой үкімет отырысында Қазақстанның эпидахуалы кейінгі үш аптада тұрақталып келе жатқанын айтты, - деп хабарлайды Tengrinews.kz тілшісі.

Қазақстанда кейінгі тәулікте 7034 адамнан коронавирус анықталды, 7 416 адам жазылып шықты. Түркістан облысынан басқа өңірлердің барлығы "қызыл" аймақта. Алайда Цойдың айтуынша, кейінгі үш аптада елімізде эпидахуал біртіндеп тұрақталып келеді.

"Аптасына орташа есеппен 53 мың жаңа жағдай анықталады. 1 тамыздан бастап коронавирус таралу индексі 14 пайызға төмендеді. Ауруханалардағы төсек-орындардың 53 пайызы бос емес, ал реанимациялық орындардың 47 пайызында науқастар жатыр. Инфекциялық төсектері салыстырмалы түрде бос емес өңірлер: Ақтөбе облысы - 69 пайыз, Қызылорда облысы - 66 пайыз, Алматы облысы - 64 пайыз", - деді Цой.

18 тамыздағы мәлімет бойынша, жалпы 120 313 адам коронавирус инфекциясынан (115 214 КВИ+ және 5 099 КВИ-) емделіп жатыр.

Цойдың айтуынша, тәулік басында реанимацияға түскендердің үлесі - 40 пайыз.

"Бұл өте жұқпалы "дельта" штамы мен адамдардың өзін-өзі емдеуі, медициналық көмекке уақытылы жүгінбеудің салдары", - деді министр.

Бүгінде Қазақстанда вакцинаның бірінші компанентін 6,1 миллион адам, екіншісін 4,8 миллион адам алған.

"Вакцинация бойынша көш бастап тұрған алты өңір: Алматы, Шымкент, Түркістан облысы, СҚО, ШҚО, Қызылорда облысы. Ал бірінші дозаны алғандар саны ең аз өңір - Маңғыстау облысы (35 пайыз)", - деді Цой.

Ол барлық өңірге қытайлық Sinopharm шығаратын вакцинаның бірінші партиясы жеткізілгенін айтты.

Коронавирус пневмония Карантин Цой Алексей Статистика

Вопрос от автора

Что вы об этом думаете?