+7 (777) 001 44 99
Қазақша
Русский
English
03 июня 2020 | 09:24
"Ресей мен Беларуське қосылу жоспарда жоқ". Тоқаев ресейлік журналистерге сұхбат берді
Қазақстан Президенті Қасым-Жомарт Тоқаев "Комсомольская правда" газетіне берген сұхбатында Қазақстанның Одақтас мемлекет Ресей мен Беларуське қосылуды жоспарламайды, - деп хабарлайды Tengrinews.kz тілшісі.
ПОДЕЛИТЬСЯ
Қазақстан Президенті Қасым-Жомарт Тоқаев "Комсомольская правда" газетіне берген сұхбатында Қазақстанның Одақтас мемлекет Ресей мен Беларуське қосылуды жоспарламайды, - деп хабарлайды Tengrinews.kz тілшісі.
"Қазақстан Ресеймен және Беларусьпен екіжақты форматта және интеграциялық бірлестік аясында (ЕАЭО, ҰҚШҰ, ТМД) белсенді қарым-қатынаста. Одақтас мемлекетке, Ресей мен Беларуське қосылу жоспарымызда жоқ. Басым бағыт - осы аталған интеграция аясында әрі қарай даму", - деді Тоқаев.
Президент Қазақстанның мүддесі ЕАЭО-ның экономикалық одақ ретінде даму әлеуетін күшейту екенін мәлімдеді.
"ЕАЭО-ны жаһандық масштабтағы тиімді құрылымға айналдыра алар едік. Бұл бағыттағы жұмыстар бірте-бірте жүріп жатыр. 2025 жылға қарай ортақ энергетикалық, қаржы нарықтары құрылады. Әлеуетті бағыт - цифрлық әрекеттестік", - деді Мемлекет басшысы.
Ол Қазақстан азаматтарына Ресейдің "жақын мемлекет болғанын және солай қала беретінін" атап өтті.
Сонымен қатар, Тоқаев ресейлік журналистердің "кейбір сарапшылар Қазақстанда Қырымдағы немесе Донбасстағы жағдай қайталануы мүмкін" деген болжамына қатысты сұрағына жауап берді. Президент мұндай пікір айтушыларды "қастық ойлаушылар" деп атады.
"Псевдосарапшылардың мұндай болжамы ештеңеге сүйенбеген. Олардың ойы Қазақстанда жағдайды тұрақсыздандыру мен көршілес, одақтас қарым-қатынасты бұзу. Мұндай болжамды құзыры жоқ, қастық ойлаушы, өзгенің сөзін сөйлейтіндер айтады", - деді Мемлекет басшысы.
Сондай-ақ, Қасым-Жомарт Тоқаев "Қазақстанда қос билік бар ма?" деген сұраққа да жауап берді.
"Тұңғыш Президент Нұрсұлтан Назарбаев - тарихи масштабтағы тұлға, заманауи Қазақстанның негізін қалаушы. Жақында (6 шілдеде) оның 80 жас мерейтойын атап өтеміз. Әрине, оның халық үшін атқарған және халықаралық қауымдастық алдындағы еңбегі туралы айтамыз. Біз үшін оның тарихи және саяси мұрасын сақтау маңызды, бұл Қазақстан мемлекетінің нығаюы үшін керек. Сондықтан менің сайлауалды платформамның алғашқы пункті сабақтастық деп аталды", - деді Тоқаев.
Оның айтуынша, қазіргі ауыр жағдайда Назарбаев дағдарыстан тез шығу, жаңа экономика құру және азаматтарға материалдық қолдау көрсету туралы курсын қолдаған.
"Ешқандай қос билік жоқ. Бұл туралы Нұрсұлтан Әбішұлының өзі де бірнеше рет айтып, қазіргі президентті қолдап, бірігуге шақырды", - деп атап өтті Мемлекет басшысы.
Показать комментарии
Читайте также
