02 февраля 2024 | 09:52

"Бауды байлау қиын болып кетті". Желаяқ Еренғайып Қуатайұлының жігерлендіретін хикаясы

Фото: Massaget.kz / Болат Айтмолда

Кейбір адам үшін жүгіру - бұл жай ғана денсаулықты қалыпта ұстау, ал кейбірі үшін жүгіру - өмір салты. Сіз күнде жаттыға алар ма едіңіз? Алдыңызға мақсат қойып, 5 жыл жаттығып, сол мақсатқа 2 жылға жетпей жете аламын деп ойлайсыз ба? 40 жасқа келгенде өмір түрленіп, одан әрі қызық боларына сенесіз бе? Егер бұл сұрақтарға қандай да бір күмәнмен қарасаңыз, оны сейілтуге көмектесеміз. Мұның бәрі кәсіпкер, журналист Еренғайып Қуатайұлының қолынан келді. Әлемдегі 6 мейжорды 3 сағатқа жетпей жүгіріп шыққан жалғыз қазақстандық желаяқ Massaget.kz тілшісіне бұл спорт түрінің қыр-сырын бөлісті.

Кейбір адам үшін жүгіру - бұл жай ғана денсаулықты қалыпта ұстау, ал кейбірі үшін жүгіру - өмір салты. Сіз күнде жаттыға алар ма едіңіз? Алдыңызға мақсат қойып, 5 жыл жаттығып, сол мақсатқа 2 жылға жетпей жете аламын деп ойлайсыз ба? 40 жасқа келгенде өмір түрленіп, одан әрі қызық боларына сенесіз бе? Егер бұл сұрақтарға қандай да бір күмәнмен қарасаңыз, оны сейілтуге көмектесеміз. Мұның бәрі кәсіпкер, журналист Еренғайып Қуатайұлының қолынан келді. Әлемдегі 6 мейжорды 3 сағатқа жетпей жүгіріп шыққан жалғыз қазақстандық желаяқ Massaget.kz тілшісіне бұл спорт түрінің қыр-сырын бөлісті.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Өміріңізді қолға алу ешқашан кеш емес, ол үшін алдымен өзіңізді тыңдап үйреніңіз. Еренғайып Қуатайұлы 40 жасқа дейін спортпен шұғылданбаған. Мектеп қабырғасында жүргенде ғана түрлі спорт жарыстарына қатысқанымен, үлкен өмірге аяқ басқанда спорттан қол үзген. Алайда офисте отырып, артық салмақ жинай бастаған ол бір күні өзін қолға аламын деп шешкен.

"Ер азаматтың өмірі 40 жастан кейін басталады"

"1 жылда 30 келі тастадым. Бір кабинетте отырып қана жұмыс істейтінмін. Аяқтың бауын байлау қиын болып кетті. О баста, салмақ тастаймын деген мотвациямен жүгірдім. Кейін стартқа кіріп алғаннан кейін азартқа кіріп кеттім. Бала кезімде жүгіруге қызығатынмын, тіпті жалаңаяқ жүгіретінмін. Кейін оқу болып жүгіру қалды. 40 жасымда қайта қолға алдым. 93 келі болғанмын, 1 жылдың ішінде 30 келі салмақ тастадым. Салмақ тастау қиынға соқты. 6 ай нан жемедім, қант жемедім, 6-7-ден кейін тамақ ішпедім. Тауға жүгіріп, велосипед теуіп, жүзумен айналыстым. 40 жасқа дейін велосипед те теуіп, суда жүзіп те білмедім. Ер азаматтың өмірі 40 жастан кейін басталады", - дейді марафоншы.

Фото: Massaget.kz / Болат Айтмолда

"Марафон деген 10 немесе 21 шақырым емес..."

Көп адам 10 немесе 21 шақырым жүгіріп, марафон өтіп шықтым деген ойда болады. Алайда бұл - қате пікір. Бұдан мыңдаған ғасыр бұрын гректер мен парсылар арасындағы соғыс болып, гректер жеңіске жетеді. Бұл қуанышты хабарды Афинаға жеткіземін деп, грек жауынгері тоқтамай 42 шақырым жүгіріп жетеді. Жеткен бойда сол жерде жан тапсырады. 1896 жылдан бастап, жауынгердің құрметіне Марафондық жарыс олимпиада бағдарламасына енгізілген.

Бүгінде кейіпкеріміз Еренғайып Қуатайұлы 10 марафон жүгіріп өткен. Бұл - 420 шақырым. Оның алтауы - мейжор.

Фото: Massaget.kz / Болат Айтмолда

World Marathon Majors - әлемдегі ең беделді жарыс сериясы. Бүгінде үлкен алтылық деп аталатын бұл жарыс Лондон, Бостон, Берлин, Чикаго, Нью-Йорк және Токиода өткізіледі. Қазақстанда бұл алтылықты жүгіріп өткен 9 ғана адам бар. Соның бірі - Еренғайып Қуатайұлы. Кейіпкердің тағы бір ерекшелігі ол - 6 мейжорды 3 сағатқа жетпей жүгіріп шыққан жалғыз қазақстандық. 5 жыл ішінде желаяқ 100-ге жуық медаль алған.

"Алты мейджорды 1 жарым жыл ішінде жүгіріп шықтым. Алғашқысын 2022 жылы сәуірде Бостонда бастадым, ал соңғысын былтыр қарашада Нью-Йоркте жүгіріп шықтым", - дейді кейіпкер.

Бұдан басқа, желаяқ Астана, Қазан, Ыстамбұл қалаларында марафон жүгірген. Ол есінде ерекше қалған жарысын айтты.

"Бостон мен Чикаго марафондары есімде ерекше қалды. Бостонда протезбен жүгірген адамдарды көрдім. Олар маған қатты мотивация берді. Ол кезде мен шаршап, трассадан шыға саламын деген ой келді. Ал Чикагода керісінше, түк шаршамадым. Тез бітіп қалды. Ол кезде мен өте жақсы дайындалдым. Марафон алдында бір ай бұрын біз Қырғызстандағы Шопан-атаға барып дайындалдық", - дейді ол.

Бұдан басқа кейіпкер әлемдік Ironman жарысына екі мәрте қатысқан. Жарыс ережесі бойынша, онда тек жүгіріп шықпайсың, сонымен қатар, жүзіп те, велосипед те тебуің керек. Бір қызығы, кейіпкер суда жүзе білмеген. Жарысқа жарты жыл қалғанда бәрін басынан үйренуге тура келіпті.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Вопрос от редакции

Что вы об этом думаете?