21 марта 2020 | 18:18

Шетелде қалып қойған 379 қазақстандық елге қайтарылады - министрлік

Даурен Ерболат Журналист

Фото: Тұрар Қазанғапов

Мәдениет және спорт министрлігі туризм индустриясы комитетінің төрағасы міндетін атқарушы Дастан Рыспеков коронавирус пандемиясына байланысты шетелде қалып қойған қазақстандық туристер елге қалай қайтарылатынын түсіндірді, - деп хабарлайды Tengrinews.kz тілшісі.

Мәдениет және спорт министрлігі туризм индустриясы комитетінің төрағасы міндетін атқарушы Дастан Рыспеков коронавирус пандемиясына байланысты шетелде қалып қойған қазақстандық туристер елге қалай қайтарылатынын түсіндірді, - деп хабарлайды Tengrinews.kz тілшісі.

18 наурыздағы мәліметке сәйкес, шетелде 5914 қазақстандық демалып жатқан.

"Осы күнге дейін оларды елге қайтару бойынша 14 чартерлік рейс орындалды. Жалпы саны 2818 адам елге қайтарылды", - деді ол орталық коммуникациялар қызметінде өткен брифингте.

Сондай-ақ, Рыспеков 23 наурызға дейін шетелдегі қазақстандықтарды елге қайтару үшін 19 чартерлік рейс жоспарланып отырғанын жеткізді.

"Бүгін 733 жолаушыны алып келетін 4 рейс жоспарланып отыр. Олар кешке және түнде келеді. Ал жалпы қалған рейстердің саны - 5", - деді төраға міндетін атқарушы.

Ол тұрақты рейстермен Қазақстанға 1879 жолаушының 1695-і оралғанын айтты.

"Оның ішінде 379 азаматты елге қайтару қалды. Оның 319-ы Ресей арқылы 23 наурызға дейін елге әкелу жоспарланып отыр", - деді Дастан Рыспеков.

Соңғы мәлімет бойынша, Қазақстанда коронавирус жұқтырғандар саны 53 адамға жетті. Нұр-Сұлтанда - 28, Алматыда - 22, Қарағандыда - 2, Алматы облысында - 1.

Сондай-ақ, 19 наурызда Нұр-Сұлтан мен Алматы қалалары карантинге жабылды. Ал 16 наурыздан бастап, елімізде төтенше жағдай жарияланды.

Коронавирус Коронавирус в Казахстане Туризм Казахстан

Вопрос от автора