+7 (777) 001 44 99
Қазақша
Русский
English
27 апреля 2021 | 10:13
Цой елдегі эпидахуал жақсарғанын мәлімдеді
Қазақстанда коронавирус жұқтыру жағдайы қалыпқа келді, - деп хабарлайды Tengrinews.kz тілшісі. Бұл туралы ҚР денсаулық сақтау министрі Алексей Цой Үкімет отырысында мәлімдеді.
ПОДЕЛИТЬСЯ
Қазақстанда коронавирус жұқтыру жағдайы қалыпқа келді, - деп хабарлайды Tengrinews.kz тілшісі. Бұл туралы ҚР денсаулық сақтау министрі Алексей Цой Үкімет отырысында мәлімдеді.
Министрдің айтуынша, наурыз айының соңы мен өткен аптада тіркелген көрсеткіштерді салыстырғанда елімізде коронавирус жұқтыру айтарлықтай төмендеді.
"Әлемде коронавирус жұқтырғандар мен қайтыс болғандар бойынша жағдай әлі де қиын. Әлемдік рейтингке сәйкес, 221 ел арасында Қазақстан ауру көрсеткіштері бойынша 108-орында тұр. Қайтыс болғандар көрсеткіші бойынша 107-орында. Қазақстанда қауіпті аймақта 10 өңір бар: Нұр-Сұлтан, Алматы қалалары, Ақмола, Ақтөбе, Атырау, Батыс Қазақстан, Қарағанды, Қызылорда, Маңғыстау және Павлодар облыстары", - дейді министр.
Сонымен қатар, ол эпидемиологиялық ахуалы орташа жағдайдағы өңірлерді атады: Жамбыл, Шығыс Қазақстан, Алматы, Қостанай облыстары мен Шымкент қаласы.
"Жасыл" аймақта Түркістан мен Солтүстік Қазақстан облыстары бар. Апта бойынша көрсеткіштерге сәйкес, коронавирус жұқтыру дерегі азайып келеді, наурыз айының соңынан бастап өткен аптаға дейінгі аралықтағы көрсеткіш - 46 пайыздан 8 пайызға дейін. Кейінгі аптада коронавирустан қайтыс болғандар көрсеткіші алдыңғы аптамен салыстырғанда 30 пайыздан 8 пайызға дейін төмендеді, жағдай салыстырмалы түрде бір қалыпқа түскені байқалады", - деді Цой.
Министрдің айтуына қарағанда, эпидемиологиялық ахуалға байланысты өңірлердегі шектеу шараларына түзетулер енгізіліп жатыр.
"27 сәуірдегі жағдай бойынша, республикадағы инфекциялық төсек-орындар 41 пайызға, жансақтау төсек-орындары 28 пайызға толы. Төсек-орындар бойынша толым ең жоғары көрсеткіші Қызылорда облысында - 58 пайыз", - деді министр.
Кеше вакцина салдырған Цой халыққа екпе қолжетімді болуы үшін жағдай жасалатынын айтты.
"Қазақстанда екі вакцина салынып жатыр, олар Спутник V және QazVac, еліміз әлем бойынша коронавирусқа қарсы вакцина өндіруші елдердің ондығына кірді. Әлемдік рейтинге сәйкес, 177 ел арасында Қазақстан вакцина салдырғандар көрсеткіші бойынша 52-орында. Вакцинаны жеткізу кезең-кезеңмен жүзеге асады, кестеге сәйкес, сәуірде халықтың 20 пайызына жеткізу қарастырылған. Вакцина салдыру елдегі эпидемиологиялық жағдайды қалыпқа келтіруге ықпалын тигізе береді", - деді ол.
Қазақстандықтар коронавирусқа қарсы екі вакцинаның бірін таңдай ала ма?
Айта кетейік, Алексей Цой кеше, 26 сәуірде тікелей эфирде коронавирусқа қарсы вакцина салдырды. Тікелей эфир Денсаулық сақтау министрлігінің Facebook желісіндегі парақшасында жүргізілді.
Показать комментарии
Читайте также
