+7 (777) 001 44 99
Қазақша
Русский
English
01 апреля 2020 | 12:33
Түркістан облысында бесінші науқастың індетті қайдан жұқтырғаны анықталды
Түркістан облысында бесінші науқастың індетті қайдан жұқтырғаны анықталды. Бұл туралы облыстың бас санитар дәрігері Нұрбек Нышанов айтты, деп хабарлайды Tengrinews.kz тілшісі.
ПОДЕЛИТЬСЯ
Түркістан облысында бесінші науқастың індетті қайдан жұқтырғаны анықталды. Бұл туралы облыстың бас санитар дәрігері Нұрбек Нышанов айтты, деп хабарлайды Tengrinews.kz тілшісі.
"Түркістан облысы бойынша коронавирус жұқтырған 5 адам тіркелді. Ауруды жұқтырған бірінші науқас Жетісай ауданында тұратын әйел. Ол Нұр-Сұлтан қаласына барып, 23 наурызда өңірге келген. Ал 27 наурызда ыстығы көтерілді. 30 наурызда ауруханаға жатқызылып, сынама алынды. Зерттеу барысында әйелден коронавирус инфекциясы анықталды. Онымен байланыста болған 3 адам оқшауланып, олардан сынама алынды. Осылайша, бір ошақта 4 науқас тіркелді", - деді ол "Хабар 24" телеарнасында өткен онлайн брифингте.
Осы орайда бас санитар дәрігер қауіпті індетті жұқтырған бесінші науқасқа тоқталды.
"Ол да Жетісау ауданының азаматы. Алматы қаласында іссапарда болған. Азамат ауруханаға жатқызылды. Сынама алынды. Түнде оның ауру жұқтырғаны анықталды. Індет тіркелген ошақтарда мамандар залалсыздандыру жұмыстарын жүргізді. Науқастармен байланыста болған 41 адам есепке алынды. Барлығы оқшауланып, емдеу мекемесіне жатқызылды. Олардан сынама алынды. Тиісті жұмыстар жүргізіліп жатыр", - деді облыстық тауарлар мен көрсетілетін қызметтердің сапасы және қауіпсіздігін бақылау департаментінің басшысы.
Айта кетейік, елімізде коронавирус жұқтырғандардың саны 369-ға жетті. 24 адам індеттен жазылды, 3 науқас қайтыс болды.
Показать комментарии
Читайте также
