+7 (777) 001 44 99
Қазақша
Русский
English
28 января 2020 | 14:39
"Вирусты инфекцияның шекарасы жоқ" - Маман қатерлі дерттің елімізде тарап кету қаупі туралы
ҚР денсаулық сақтау министрлігі тауарлар мен көрсетілген қызмет қызметтердің сапасы мен қауіпсіздігін бақылау комитетінің басшысы міндетін атқарушы Сархат Бейсенова әлемді дүрліктірген коронавирус Қазақстанда таралуы қаупі бар екенін айтты, деп хабарлайды Tengrinews.kz тілшісі.
ПОДЕЛИТЬСЯ
ҚР денсаулық сақтау министрлігі тауарлар мен көрсетілген қызмет қызметтердің сапасы мен қауіпсіздігін бақылау комитетінің басшысы міндетін атқарушы Сархат Бейсенова әлемді дүрліктірген коронавирус Қазақстанда таралуы қаупі бар екенін айтты, деп хабарлайды Tengrinews.kz тілшісі.
Маманның пікірінше, Қытайдан тараған вирусты туристер әкелуі мүмкін.
"Қытай аумағынан тыс аумақта инфекцияның таралу қаупі сақталып отыр. Себебі, туристер Қытай жаңа жылын тойлау үшін бұл елге келді. Енді олар жаппай бұл мемлекеттен кетіп жатыр", - деді ол Нұр-Сұлтан қаласы әкімдігінде өткен баспасөз мәслихатында.
Сондай-ақ Сархат Бейсенова бұл жұқпалы дерттің Қазақстанда таралуы қаупі бар екенін атап өтті.
"(Коронавирус - автор) таралу қаупі бар. Себебі, вирусты инфекцияның шекарасы жоқ. Эпидемиологтар "инфекцияның шекарасы жоқ" деген пікірді ұстанады. Сіздер Қазақстанға малярия шетелден келетінін білесіздер. Малярияның инфекциясы елімізде жоқ. Бірақ бұл инфекцияны шетелден жұқтырған жағдайдар болды", - дейді Бейсенова.
Медицина қызметі Қазақстанға тән емес тропикалық инфекциялық жолмен таралатын аурудың алдын алуға дайын. Сондай-ақ холера, денге безгегін шетелден жұқтырған жағдайлар тіркелді. Ең бастысы бұл инфекцияларды біз алдын ала анықтаймыз. Медициналық қызметті көрсетеміз. Сондай-ақ оған эпидемиологиялық шараларды жүргіземіз", - деді ол.
Осылайша маман бұл жұмыстар жұқпалы инфекциялар Қазақстанда таралуына жол бермейтінін жеткізді. Осы орайда Бейсенова коронавирустың елімізде таралмауы үшін тиісті шаралар қолға алынғанын айтты.
"Әуежай және теміржол тасымалында санитарлық карантин режимі күшейтілді. Әуежайда, теміржол және автобус станцияларында тепловизор орнатылды. Қалаға келген адамдардың дене температурасын өлшеп жатырмыз. Әсіресе, шетелден Нұр-Сұлтан қаласына келген адамдарды денсаулығын бақылауға алдық. Оларды арнайы тізім бойынша тексеріп жатырмыз. Олардың тұрғылықты мекенжайы, қайда жұмыс істейтіні туралы мәлімет пен телефон нөмірі бар. Осы жұмыс кеше қолға алынды", - деп түйіндеді сөзін маман.
"Жануар өнімдерінен бас тарту". Қазақстандық маман коронавирустан сақтанудың жолын айтты
Еске салайық, 2019 жылдың желтоқсанның соңынан Қытайда белгісіз коронавирус тараған болатын. Кейін ел билігі Хубей провинциясындағы 10 қаласында карантин жариялап, оны жапты.
Бірінші Ухан қаласы жабылды. Коронавиус осы шаһардан тараған болатын. Соңғы мәлімет бойынша, Қытайда коронавирустан 106 адам көз жұмды. Сондай-ақ қауіпті індет басқа елдерге де тарай бастады.
Показать комментарии
Читайте также
