Жалмағанбетов Иса - 1913 жылы Қарағанды облысы Нұра ауданы Өріксай (Ефремовка) ауылында дүниеге келген. 1922-1930 жылдары Ақмола қаласындағы орта мектепте оқыған. 1942 жылы Маржанкөл әскери комиссариатынан майданға аттанған. 303 және 712 атқыштар полкында пулеметші болған.
Ұлы Отан соғысынан кейін комсомол қатарында, кейін коммунистік партия мүшесі атанған.1953 жылы Маржанкөл ауылынын депутаты болып сайланған. 1960 жылдан 1965 жылға дейін "Нұра" совхозының №2 бөлімшесін басқарған. 1967 жылдан 1978 жылдарға дейін "Нұра" совхозының орталық қойма меңгерушісі қызметін атқарған.
Ордендері мен медальдары:
- "1941-1945 соғыс жылдарындағы ерен еңбегі үшін" медалі;
- 1969 жылы "Кеңес әскерінің 50 жылдығы" медалі;
- 1966 жылы "Жеңістің 20 жылдығы" медалі;
- "Жеңістің 25 жылдығы" медалі;
- 1976 жылы "Жеңістің 30 жылдығы" медалі;
- 1985 жылы "Отан соғысының ІІ дәрежелі" ордені;
- 1975 жылы "Еңбек ардагері" медалі.
