Үсембеков Аманбай - 1923 жылы Қарағанды облысы Нұра ауданындағы ауыл, Құланөтпес ауылдық округіндегі май зауыты учаскесінде дүниеге келген. Соғысқа дейін 7 сыныптық білім алған. Брянск, Орталық және 1-ші Беларусь ұрыс алаңдарында соғысып, Варшаваны азат етуге, Берлин операциясы мен Берлинді алу ұрысына қатысқан. Барлаушы болған. Бірнеше рет жарақат алған. Екі орден және үш медальмен марапатталған. Аға сержант атағы бар. Неміс тілін жетік меңгерген.
Соғыс біткеннен кейін тағы екі жыл Германияда әскери қызметін атқарып, 1947 елге қайтып, Көкмөлдір ауылында "Бармолла" учаскесіндегі мектепте ұстаздық еткен. 1962 жылы денсаулығына байланысты зейнетке шыққан. 1963 жылы қайтыс болды.
Ордендері мен медальдары:
- "Даңқ" ордені
- "Ерлігі үшін" медалі,
- "Берлинді алғаны үшін" медалімен марапатталған.
