07 октября 2020 | 11:41

Бішкектегі митинг: шетел басылымдары Қырғызстандағы жағдай туралы қалай ақпарат таратып жатыр?

Сымбат Сатыбалдина Журналист

Фото akipress.org

Көршілес Қырғыз елінде 5 қазанда кезекті парламенттік сайлаудың нәтижесіне наразы болған халық митингіге шықты. Тұрғындар "сайлау нәтижесі жойылсын" деген бір ғана талап қойды. Артынша митингіге шыққандар мен қарулы күштердің текетіресі сағат 20.00-ден бастап "Ақ үйге" басып кірумен аяқталған болатын. Бішкектегі жағдай дүние жүзі елдерінің назарында. Шетел басылымдары Қырғызстандағы жағдай туралы қалай ақпарат таратып жатыр? Tengrinews.kz тілшісі шолу жасады.

Көршілес Қырғыз елінде 5 қазанда кезекті парламенттік сайлаудың нәтижесіне наразы болған халық митингіге шықты. Тұрғындар "сайлау нәтижесі жойылсын" деген бір ғана талап қойды. Артынша митингіге шыққандар мен қарулы күштердің текетіресі сағат 20.00-ден бастап "Ақ үйге" басып кірумен аяқталған болатын. Бішкектегі жағдай дүние жүзі елдерінің назарында. Шетел басылымдары Қырғызстандағы жағдай туралы қалай ақпарат таратып жатыр? Tengrinews.kz тілшісі шолу жасады.

The New York Times күнделікті АҚШ басылымы көршілес елдегі жағдай бойынша "Наразылық білдірушілер үкіметтік ғимараттарды басып алғаннан кейін Қырғызстанда хаос басталды" атты тақырыппен мақала дайындаған.

"Сейсенбі оппозициялық топтар парламентті бақылауға алып, парламенттік сайлауға наразылық білдіріп, басшыларын түрмеден босатқаннан кейін Қырғызстанда саяси хаос басталды", - делінген басылым ақпаратында.

Айта кетейік, Бішкектегі митингіге шыққандар 5 қазан сағат 20.00-ден бастап "Ақ үйге" басып кірген болатын. Артынша тұрғындар басып алған, парламент пен президент әкімшілігі отыратын Ақ үй өртене бастады.

Ресейлік РИА Новости басылымы Бішкектегі митингіге байланысты бір айдар арнаған. Ол жерде Қырғызстандағы жағдай бойынша 68 материал жазылған.

Порталдағы соңғы мәліметтер бойынша, Қырғызстанның экс-президенті Алмазбек Атамбаевтың 200-ге жуық жақтасы Бішкектегі "Форум" ғимаратының алдына жиналып жатыр. Жиналғандар Атамбаевтың халық алдына шыққанын күтіп тұрған көрінеді.

Ұлыбританиялық ВВС Қырғыз елінде жаппай тәртіпсіздіктерден кейін сайлау нәтижелері жойылғанын жазған. Ақпаратты ВВС-дің Бішкектегі меншікті тілшісі Наргиза Рыскулова таратқан. 6 қазанда шыққан мақалада Қырғызстандағы жағдай толық баяндалған.

Тағы бір ұлыбританиялық The Guardian газетінің сайты да Қырғызстандағы парламент сайлауының нәтижесі жойылғаны туралы ақпаратқа назар аударған.

"Парламент ғимаратында тонау болып, қаланың ортасында көліктер өртке оранды. Полиция көзден жас ағызатын және гранатаны қолданды", - деп жазған газет.

Айта кетейік, кеше Қырғызстан парламенті - Жогорку Кенеш сайлау қорытындылары жойылғаны белгілі болды. Бұл - митингіге шыққандардың басты талабы болатын. "Бірақ әзірге біз жаңа дауыс беру күнін белгілемейміз. Оған уақыт жоқ", - деген еді бас прокурордың міндетін атқарушы Алмамбет Шықмаматов.

Америкалық CNN басылымы да Қырғыз еліндегі жағдайға назар аударып, 6 қазанда болған маңызды оқиғаларға шолу жасаған.

Euronews халықаралық көптілді телевизиялық жаңалықтар телеарнасы Бішкектегі митинг кезінде зардап шеккен адам саны туралы дерек келтірген. Телеарна елдің Денсаулық сақтау министрлігіне сілтеме жасап Қырғызстан астанасындағы тәртіпсіздіктер кезінде зардап шеккендердің саны 600-ге жеткенін, тағы 150 адам ауруханаға жатқызылғанын хабарлаған.

Ал Deutsche Welle неміс толқынының соңғы мәліметтері бойынша, Алмазбек Атамбаев үйқамаққа ауыстырылған. Бішкекте митингіге шыққандар экс-президент Алмазбек Атамбаевты Ұлттық қауіпсіздік мемлекеттік комитетінің тергеу изоляторынан босатып алған болатын. Олар бірден экс-президентті қолдап, "Атамбаев" деп айғайлады.

Еске салайық, 23 маусымда Бішкектің Первомай аудандық сотында криминал авторитет Азиз Батукаевты заңсыз босату туралы іске қатысты сот үкімі шығып, Қырғызстанның экс-президенті Алмазбек Атамбаев 11 жыл 2 айға сотталған болатын. Бұл істі тергеу 2019 жылдың қаңтарында қайта басталған еді.

"Ақ үйдің тас-талқаны шықты". Бішкектегі жаппай тәртіпсіздік қалай өрбіді?

Қазақстан жаңалықтары. Соңғы жаңалықтар. Telegram желісінде бізге жазыл!

Кыргызстан Бишкек Митинги Выборы

Вопрос от автора

Что вы об этом думаете?