04 октября 2021 | 11:11

Арман Әшімов қарсыласын нокаутқа түсірген жекпе-жектің видеосы жарияланды

Есет Тулеш

©instagram.com/naiza.mma

Желіде қазақстандық файтер Арман Әшімов пен әзербайжандық Серхан Валили жекпе-жегінің видеосы жарияланды, деп хабарлайды Tengrinews.kz тілшісі.

Желіде қазақстандық файтер Арман Әшімов пен әзербайжандық Серхан Валили жекпе-жегінің видеосы жарияланды, деп хабарлайды Tengrinews.kz тілшісі.

Спортшылар Алматыда өткен NFC 34 турнирінде күш сынасты. Қазақстандық файтер қарсыласын бірінші раундта нокаутқа түсірді. Желіде Валилидің нокаутқа түскен сәтінің видеосы жарияланды.

Бұл - Әшімовтің ММА-дегі 12-жеңісі, одан бөлек үш рет жеңіліп, бір мәрте тең түскен. Кейінгі рет ол 2019 жылы тамызда жекпе-жек өткізген еді. Ал Валили карьерасында үшінші рет жеңіліп отыр, оның алдында алты рет жеңіп, бір рет қарсыласымен тең тарқасқан.

NFC (Naiza Fighting Championship) - қазақстандық ММА-промоушен. Лига басшысы Нұрбек Қарабала, бүгінде 34 турнир өткізген.

Әшімов NFC-де жекпе-жек өткізетінін Bizben Podcast жобасында айтқан болатын. Файтер подкаста неге ұзақ уақыт жекпе-жек өткізбегенін, хейтерлер, отбасы туралы әңгіме қозғаған болатын. Сонымен қатар, UFC-мен келісімшарт жасасқанын, сондай-ақ, тоқал алуға дайындалып жатқанын айтқан еді.