Dana – автор комментариев на Tengrinews.kz :interval

Комментарии

рейтинг

Аутизм в Казахстане: как мы расширили диагноз для одних и случайно оставили без помощи других

Dana
Вчера, 08:29
0

Аутизм - өте ауқымды тақырып. Осындай сан қырлы ұғымды зерттеп, таразылап, бар қырынан саралап, баға беріп, көпшілікке түсінікті етіп баяндап, жеткізіп отырған Алмаз Шарман мырзаға рахметімді айтам. Ерекше бала тәрбилеп отырған ата-аналар шарқ ұрып баласына ем іздейді. Басын тауға да, тасқа да соғады. Өмір болған соң әр түрлі мамандарға жолығады. Бұрындары біреуі дұрыс жол көрсетсе, біреуі үміт отын бірден сөндіретін. Оған қоса қоғамның да ерекше баласын қабылдамауы ата-анаға жығылғанға жұдырық болып тиетін. Көш жүре түзеледі. Қазір аутизм мәселесі кең ауқымды көтерілуде, қоғамның да осындай балаларды қабылдауы жоғарылаған. Ата-ана да хабардар болған соң, уақыт өткізбей көмекке ерте жүгінеді. Балаға түзету жұмыстары ертерек басталған кезде, бұл баланың қоғамға бір кірпіш болып қалану мүмкіндігі жоғарылайды. Өз басыма келер болсақ, мен де 13 жыл болды ерекше баланың анасымын. Сөндіргенге сөнбедік, көндіргенге көнбедік, баламыз үшін отбасымызбен бірге, жұдырық болып жұмыла күресіп келеміз. Демеу беріп, күш беріп, шынайы көмек көрсетіп отырған, Аружан Саин ханымға, Болат Өтемұратов және Алмаз Шорман мырзаларға алғысымды білдіргім келеді.

Dana