+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін денсаулық сақтау министрі Алексей Цой Үкімет отырысында еліміздегі коронавирус инфекциясына байланысты эпидемиологиялық жағдайды баяндады, - деп хабарлайды Tengrinews.kz тілшісі.
Бүгін денсаулық сақтау министрі Алексей Цой Үкімет отырысында еліміздегі коронавирус инфекциясына байланысты эпидемиологиялық жағдайды баяндады, - деп хабарлайды Tengrinews.kz тілшісі.
Ол қатаң санитарлық-дезинфекциялық режимді сақтай отырып, 3 тамыздан бастап рұқсат етілетін нысандардың жұмысы туралы айтты.
Министрдің айтуынша, қатаң санитарлық-дезинфекциялық режим нормаларын сақтаған жағдайда, маска тағу және әлеуметтік қашықтық сақталған жағдайда 2020 жылғы 3 тамыздан бастап инфекция репродуктивтілігі бірліктен аз болған жағдайда, сондай-ақ апта ішінде төсек-орындардың 70 пайыздан төмені бос болмаса, өлім деңгейі түссе, келесі инфрақұрылымдық нысандардың қызметіне рұқсат етіледі:
- Жұмыс істеу уақыты және күнін шектей отырып, сауда-ойын сауық орталықтары, сауда орындары, сауда орталықтары, азық-түлік сататын және азық-түлік сатпайтын жабық базарлар;
- Әр топта 5 адамнан аспайтын балалар коррекциялық орталықтар, үйірмелер, білім беру орталықтары; мектепке дейінгі білім беру мекемелері кезекші топтарды ашу режимінде;
- Алдын ала жазылып, сұлулық салондары, шаштараздар, косметикалық және косметологиялық қызмет көрсететін сұлулық орталықтары, маникюр және педикюр;
- Мемлекеттік органдар және басқа да ұйымдар, кеңсе қызметкерлері 80/20 пайыз көрсеткішпен қашықтан жұмыс істеу керек;
- Таза ауада қашықтық сақтай отырып, жеке және топтық жаттығулар жасау; Сондай-ақ ұлттық құрамалар 30-дан астам адам жиналмай, жаттығу жасауға;
- Көшелерде, парктерде, саяжайларда 3 адамнан артық емес топпен серуендеуге;
- Қоғамдық көліктер уақыты шектеулі, маска тағу, кондуктор болу, санитарлық нормаларға сай және 50 пайыздан көп адам отырғызбай жұмыс істеу;
Мына нысандардың жұмысына тыйым салынады:
- Адамдар жаппай жиналатын шараларға, кинотеатрлар, фудкорттар, көңіл көтеретін ұйымдар, банкет залдары, ресторандар, барлар, түнгі және ойын клубтарының жұмысына әлі де тыйым салу;
- Мәдени шаралар, конференция өткізу, форум, көрме өткізуге тыйым салу;
- Бассейн, фитнес орталықтар, спорт орталықтары, бассейндер, аквапарктер, жағажайлардың жұмысына тыйым салу;
- Діни нысандардың жұмысына тыйым салу;
- Қала маңындағы жолаушылар автобусының (жұмыс пойыздарынан бөлек, электричкалар) қозғалысына, ортақ вагон, қалааралық автобустардың (микроавтобустардың) қозғалысына тыйым салу.
Қазақстан жаңалықтары. Соңғы жаңалықтар. Telegram желісінде бізге жазыл!
