Алматыда еврейлердің діни жиыны өткен: ұйымдастырушылар қалай жазаланды?

Сымбат Сатыбалдина Журналист

Видео кадры

Алматыдағы Rixos қонақүйінде жиын өткізгендерге 30 АЕК (87 510 теңге) айыппұл салынды - деп хабарлайды Tengrinews.kz тілшісі.

Алматыдағы Rixos қонақүйінде жиын өткізгендерге 30 АЕК (87 510 теңге) айыппұл салынды - деп хабарлайды Tengrinews.kz тілшісі.

Бұл туралы Алматы қаласы санитариялық-эпидемиологиялық бақылау департаменті басшысының орынбасары Әсел Қалықованың айтты.

"Ұйымдастырушы - Орталық Синагога. Ұйым шектеу шарасын бұзды. Басшылыққа 30 АЕК (87 510 теңге) айыппұл салынды. Айыппұл Әкімшілік кодекске сәйкес салынды. Орталық Синагога діни шара ұйымдастырған", - деді Әсел Қалықова ӨКҚ брифингінде.

Посмотреть эту публикацию в Instagram

Публикация от Almaty | Astana (@meganews.kz)

Еске салайық, бүгіннен бастап еліміздің бес қаласында жаңа шектеулер күшіне енген болатын. Оның ішінде Алматы қаласы да бар. Жаңа шектеулерге сәйкес, Нұр-Сұлтан, Шымкент, Атырау, Қарағанды, Алматы қалаларында:

орталық мемлекеттік органдарды, әкімдіктерді, құқық қорғау органдарын, Денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын қоспағанда, Ashyq жобасына қатыспайтын барлық кәсіпорын мен ұйымның қызметі тоқтатылды;
ойын-сауық, спорттық, отбасылық, естелік және өзге де бұқаралық іс-шараларды өткізуге тыйым салынады;
мемлекеттік органдар, кеңселер, ұлттық компаниялар мен өзге де ұйымдар қызметкерлерінің 80 пайызын қашықтықтан жұмыс істеуге ауыстыру міндетті (вакцина алмағандарды және соңғы үш ай ішінде ауырып жазылғандарды қоспағанда).