+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда коронавирус жұқтырған медицина қызметкерілеріне өтемақы беру мәселесін арнайы комиссия қарайды. Бұл туралы қалалық қоғамдық денсаулық басқармасының басшысы Тілеухан Әбілдаев айтты, деп хабарлайды Tengrinews.kz тілшісі.
Алматыда коронавирус жұқтырған медицина қызметкерілеріне өтемақы беру мәселесін арнайы комиссия қарайды. Бұл туралы қалалық қоғамдық денсаулық басқармасының басшысы Тілеухан Әбілдаев айтты, деп хабарлайды Tengrinews.kz тілшісі.
Оның айтуынша, шаһарда коронавируспен күреске жұмылдырылған медицина қызметкерлерінің жалақасына үстемеақы беру бойынша комиссия жұмыс істеп жатыр.
"Наурыз айында мемкомиссияның шешімімен медицина ұйымдарындағы 3700 қызметкерге үстемеақы берілді. Жалпы 1 миллиард 134 миллион теңге бөлінді. Сәуірде мемкомиссия шешіміне сәйкес шамамен 4 400 медицина қызметкеріне 1 миллиард 500 миллион теңгеден астам қаржы бөлінді. Медицина қызметкерлері тарапынан түскен сұрақтарды комиссия қарап, тиісті шешімді шығарады", - деді ол өңірлік коммуникациялар қызметінде өткен брифингте.
Осы орайда Тілеухан Әбілдаев тағы бір комиссия құрылғанын атап өтті.
"Қазіргі таңда коронавирус жұқтырған медицина қызметкерлеріне өтемақы беру бойынша тағы бір комиссия құрылды. Оның құрамында қоғам белсенділері, ғылыми қызметкерлер және түрлі қоғамдық ұйымдардың өкілдері бар. Қазіргі таңда комиссия медициналық ұйымдардан түскен материалдарды қарап жатыр. Яғни індет жұқтырған медицина қызметкерлеріне қатысты. Сондай-ақ, бұл комиссияның шешімімен сәйкес жұмыс орнында індет жұқтырған медицина қызметкерлеріне өтемақы беру мәселесі қаралады", - деді қоғамдық денсаулық басқармасының басшысы.
Еске салайық, кеше үкімет басшысының орынбасары елімізде СOVID-19 вирусымен күресіп жүрген дәрігерлерге үстемеақы тамыз айына дейін берілетінін айтқан.
Айта кетейік, елімізде коронавирус жұқтырғандардың саны 5 279-ға жетті. 2108 науқас айықты, 32 адам көз жұмды.
