+7 (777) 001 44 99
Қазақша
Русский
English
Алматы қаласы қоғамдық денсаулық сақтау басқармасының басшысы Тілеухан Әбілдаев коронавирусты анықтау үшін 3 рет тест тапсырғанын айтты, деп хабарлайды Tengrinews.kz тілшісі.
Басқарма басшысы дербес оқшаулануына қатысты түсініктеме беріп, соңғы уақытта кеңседе қонып жүргенін атап өтті. Осы орайда ол коронавирусты анықтау үшін 3 рет тест тапсырғанын жеткізді.
"6 күн бұрын мен қаладағы орталық кликанық ауруханаға бардым. Әріптестерімді қауіп-қатерге ұшыратпас үшін өзімді оқшаулауды жөн көрдім. Олармен бірге карантинге алынған сәттен бастап, 3 рет талдау өткіздім. Барлығының нәтижесі теріс... Офисте қонып жүрмін", - деді ол "Хабар 24" телеарнасында өткен брифингте.
Айта кетейік, елімізде коронавирус жұқтырғандардың саны 1275-ке жетті. 203 науқас жазылды, 15 адам қайтыс болды.
