Дәрігерлердің жалақысы 30 пайызға өседі. Бұл туралы денсаулық сақтау министрі Алексей Цой мәлімдеді, - деп хабарлайды Tengrinews.kz.
"Медицина қызметкерлерінің жалақысын арттыру бойынша жұмыс жалғасады. 2021-2023 жылдар арасында жыл сайын дәрігерлердің жалақысы 30 пайызға артып отырады. Орташа медицина қызметкерлерінің жалақысы 2021 жылы 20 пайызға, 2022 мен 2023 жылдары 10 пайызға көбейеді", - деді Цой ОКҚ-дағы онлайн-брифингте.
Еске салайық, былтыр қарашада Мемлекет басшысы Қасым-Жомарт Тоқаев дәрігерлердің жалақысы 2023 жылға қарай 2,5 есеге өсетінін айтқан болатын.
