+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев елімізде соңғы 2 аптада дәрі бағасын негізсіз көтерудің 100-ге жуық дерегі тіркелгенін айтты, - деп хабарлайды Tengrinews.kz тілшісі.
Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев елімізде соңғы 2 аптада дәрі бағасын негізсіз көтерудің 100-ге жуық дерегі тіркелгенін айтты, - деп хабарлайды Tengrinews.kz тілшісі.
Оның айтуынша, комитет өңірлердегі полиция, экономикалық қылмыс бойынша тергеу жүргізетін департаменттермен бірге дәріханалардағы дәрілердің бағасын тексеріп жатыр.
"Соңғы 2 аптаның ішінде Қазақстан бойынша 1400 дәріхана тексерілді. Жалпы елімізде 8 мыңнан астам дәріхана бар. Қазір республикадағы дәріханалардың тек 15 пайызын ғана тексердік. Тексеріс барысында дәрі бағасын қымбаттатып сатқан 100-ге жуық деректі анықтадық. Дене қызуын төмендететін дәрілер, антибиотиктер, вирусқа қарсы дәрілер, антикоагулянттардың шекті бағасынан көтеріп сату дерегін байқап отырмыз", - деді ол сыбайлас жемқорлыққа қарсы іс-қимыл агенттігінің Facebook-тегі парақшасында өтіп жатқан тікелей эфирде.
Тимур Сұлтанғазиев мұндай деректер тіркелген жағдайда, комитет заңға сәйкес әрекет етіп жатқанын атап өтті.
"Елімізде 10 миллион теңгенің дәрі-дәрмегі тіркелмегені анықталды. Заңды бұзу деректеріне тоқталайын. Өңірлік департаменттердің қарауында 65 әкімшілік іс жатыр. Қазіргі таңда 12 әкімшілік айыппұл салынды. Бұл бағытта жұмыс белсенді түрде жүргізіліп жатыр", - деді комитет төрағасы.
