+7 (777) 001 44 99
Қазақша
Русский
English
Таразда үйлердің бірінде қандала мен тарақан қаптады. Тұрғындардың айтуынша, үй жәндіктің мекеніне айналған. Жөндеу көрмеген үй қабырғалары да құлағалы тұр. Бұл туралы Instagram желісінде Aibat News жобасы хабар таратты, - деп хабарлайды Tengrinews.kz тілшісі.
Жоба мәліметінше, түнде үйде қаптап кететін жәндіктерді жоюға тұрғындардың жағдайы жоқ. Себебі жөндеу жұмысы көптен бері жасалмаған бұл үйде тұрмысы төмен тұрғындар тұрады.
"Биліктің өзі келіп, қалай өмір сүріп жатқанымызға көз жеткізсін. Комиссия жіберіп, мына жерді көрсін. Жатақханада тарақан, тышқан, кесіртке, бүрге, қандала қаптап жатыр. Дәретханамыз жақында құлайды", - дейді тұрғындар.
Тұрғын Гүлжамила Қыпшақбаеваның айтуынша, ол үйдің жағдайын суретке түсіріп, әкімдікке барған, бірақ оны кіргізбепті.
"Қандаладан қашып, үстел үстінде ұйықтаймын. Кішкентай балалар бар. Үйді тарақан, бүрге басып кетті. Өмір сүру мүмкін емес. Тараз әкімдігі үйге жөндеу жасасын не үй берсін. Су тамшылағанда қолшатыр ұстап отырамыз", - дейді тағы бір тұрғын.
Aibat News мәліметінше, Тараз билігі бұл проблемадан хабардар. Бірақ жоба журналистеріне сұхбат беруден бас тартыпты.
Посмотреть эту публикацию в Instagram
