10 сентября 2020 | 12:27

Қашықтан оқытуға 70 миллион доллар бөлінді ме? Аймағамбетов жауап берді

Даурен Ерболат Журналист

Фото: mtdata.ru

Білім және ғылым министрі Асхат Аймағамбетов елімізде коронавирус пандемиясына байланысты қашықтан оқытуға 70 миллион доллар бөлінбегенін айтты, - деп хабарлайды Tengrinews.kz тілшісі.

Білім және ғылым министрі Асхат Аймағамбетов елімізде коронавирус пандемиясына байланысты қашықтан оқытуға 70 миллион доллар бөлінбегенін айтты, - деп хабарлайды Tengrinews.kz тілшісі.

"Қашықтан оқытуға бөлінген қаржыға қатысты БАҚ-та түрлі ақпарат тарап жатыр. Кейбір адам қашықтан оқытуға 70 миллион доллар (164 миллион 544 теңге - автор) бөлінгенін айтып жүр. Бұл - ақпарат шындыққа жанаспайды. Себебі, қашықтан оқыту жүйесі биыл енгізіле бастады. Осы жылдың сәуірінен бастап қашықтан оқи бастадық. Төртінші тоқсандағы қашықтан білім беруге тоқталайын. Төртінші тоқсанда қашықтан оқытуға бюджеттен қаржы бөлінген жоқ. Онда интернет платформалар өз ресурстарын тегін пайдалануға мүмкіндік берді. Өйткені, елімізде төтенше жағдай жарияланған еді", - деді ол орталық коммуникациялар қызметінде өткен баспасөз мәслихатында.