+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Сенат депутаты Ақмарал Әлназарова пандемия салдарынан елдің демографиялық ахуалы нашарлағанын айтты, - деп хабарлайды Tengrinews.kz тілшісі.
Сенат депутаты Ақмарал Әлназарова пандемия салдарынан елдің демографиялық ахуалы нашарлағанын айтты, - деп хабарлайды Tengrinews.kz тілшісі.
Бұл туралы депутат ҚР Парламенті палаталарының бірлескен отырысында мәлімдеді.
"Денсаулық сақтау саласындағы қаржыны игеру жетістіктеріне қарамастан, әлі де шешілмеген өзекті мәселелер бар. Денсаулық сақтау жүйесінің сапасын көрсететін негізгі өлшем - күтілетін өмір сүру ұзақтығы, бұл бойынша әлемнің 189 елінің ішінде 89-орындамыз. Өткен жылдың қорытындысына сәйкес, біз елеулі демографиялық шығынға тап болып, 7-9 жылға шегініс жасадық. Туу көрсеткіші 3 пайызға өскенімен, табиғи өсім көрсеткіші 5 пайызға төмендеді. Жалпы өлім көрсеткіші 19 пайызға өсіп, 2012 жылдың деңгейіне, күтілетін өмір сүру ұзақтығы 2014 жылдың көрсеткішіне дейін төмендеді", - деді Әлназарова.
Сонымен қатар, депутат пандемия халық денсаулығына айтарлықтай теріс әсер етіп, саланың жүйелік сипаттағы кемшіліктерін көрсетіп бергенін де атап өтті.
"Пандемиямен күрестің ең ауыр алғашқы жылы өтті. Енді саланың өзекті мәселелерін шешетін, пациентке сапалы қызмет көрсетуге бағдарланған жүйені орнықтыратын уақыт жетті деп есептейміз", - деді депутат.
