Қазақстанға медициналық маска неліктен шетелден келеді? Маман түсіндірді

Сымбат Сатыбалдина Журналист

Фото Tengrinews.kz/Әлихан Сариев

Қазақстанда медициналық маскалар неліктен шетелден импортталатыны белгілі болды, - деп хабарлайды Tengrinews.kz тілшісі. Бұл туралы ҚР ДСМ медициналық және фармацевтикалық бақылау комитетінің Нұр-Сұлтан қаласы бойынша департаментінің басшысы Нұрлыбек Асылбек айтты.

Қазақстанда медициналық маскалар неліктен шетелден импортталатыны белгілі болды, - деп хабарлайды Tengrinews.kz тілшісі. Бұл туралы ҚР ДСМ медициналық және фармацевтикалық бақылау комитетінің Нұр-Сұлтан қаласы бойынша департаментінің басшысы Нұрлыбек Асылбек айтты.

"Елімізде импортталған медициналық маскалар тым көп екен. Оның кесірінен отандық тауар өндірушілер зардап шегіп отыр. Қазақстанда медициналық маска шығаратын 50-ден аса компания бар. Олардың ішкі нарықты толық толтыруға қауқарымыз жетеді деп отыр. Неге біз сырттан медициналық маска сатып алып отырмыз?", - деп сұрады журналист.

Нұрлыбек Асылбектің сөзінше, Қазақстанда маска өндіруші компаниялар саны былтырмен салыстырғанда 12 пайызға артқан.

"Тек біздің елде емес, барлық ел маска, қорғаныш киімдері не дәрі-дәрмекті өздеріңіз білетіндей былтырғы, биылғы жағдайды білесіздер ғой. Сондай жағдайды болдырмау үшін маскаларды шығаруды жүйелі етіп көбейттік. Мысалы былтыр, пандемия басталар кезде медициналық бұйым шығаратын өндірістер 7 болса, бүгінде ол күнделікті көбейіп жатыр. Ал бағана айтылған 50 компания базада жоқ, бірақ былтырмен салыстырғанда 12 пайызға өскен.

Импортқа келетін болсақ, қазір көбейіп жатыр (маска өндіруші компаниялар - еск.) компаниялар, біз де оны байқап отырмыз. Соған байланысты бәсекелестік баға да түсіп жатыр. Ал отандық өндірушілердің сыртқа (шетелге - еск.) сатуын да қарастырып жатырмыз. Тиісті мемлекеттік органдармен бірлескен бұйрық жасалып, экспорттау мәселесі тұр. Егер бізге сырттан (шетелден) келетін маска тым көп болып кетсе, оны тиісті мемлекеттік органдармен оны қарастыруға болады", - деді Нұрлыбек Асылбек ОКҚ брифингінде.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!