+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ұлттық экономика вице-министрі Мәди Такиев көппәтерлі тұрғын үйлердің иелері үшін жер салығын алып тастау ұсынылып отырғанын айтты, - деп хабарлайды Tengrinews.kz тілшісі.
Ұлттық экономика вице-министрі Мәди Такиев көппәтерлі тұрғын үйлердің иелері үшін жер салығын алып тастау ұсынылып отырғанын айтты, - деп хабарлайды Tengrinews.kz тілшісі.
Бүгін мәжілістің қаржы және бюджет комитетінде "Қазақстан Республикасының кейбір заңнамалық актілеріне салық салу және инвестициялық ахуалды жетілдіру мәселелері бойынша өзгерістер мен толықтырулар енгізу туралы" заң жобасы таныстырылды.
Отырыста ұлттық экономика вице-министрі Мәди Такиев бұл құжатта қарапайым қазақстандықтар үшін жақсы жаңалық бар екенін атап өтті.
Оның айтуынша, заң жобасының негізгі мақсаты - инвестициялық ахуалды ынталандыру, бизнес ортаны дамыту, салықтық әкімшілендіруді жақсарту.
"Мен қарапайым азаматтарға қызықты өзгерістер бар екенін айтқым келеді. Заңдағы бірінші өзгеріс жеке тұлғаларларға салық салуды жақсарту болып саналады. Біріншіден, жеке тұлғаларларға арналған мүлік және жер салығын бірыңғай төлемге біріктіру ұсынылып отыр. Екіншіден, көппәтерлі тұрғын үйлердің меншік иелері жер салығын алып тастау бар", - деді вице-министр.
Сондай-ақ, ол үшіншіден, халыққа ыңғайлы болу үшін көлікке салынатын салықтың мерзімін өзгерту ұсынылып отырғанын жеткізді.
"Қазіргі таңда адамдар бұл салықты жылдың соңында төлеп жүр. Енді келесі жылдың 1 сәуіріне дейін төлеу ұсынылып отыр. Төртіншіден, жеке тұлғалар үшін жеңілдіктерден материалдық пайданы алып тастау. Мысалы, тұрмыстық техниканы және тағы басқа сатып алғанда қазір бонустар беріледі. Оны кейін пайдалануға болады. Ал біз бұған жеке табыс салығын салдырмауды көздеп отырмыз", - деді Мәди Такиев.
