Коронавирус: Алматыда бүгін тіркелген науқас Нью-Йорктен келген

Рахила Тлеуова Корреспондент

Photo Turar Kazangapov

Бүгін Алматыда коронавирус жұқтырғандардың жағдайы туралы қалалық Қоғамдық денсаулық сақтау басқармасының басшысы Тілеухан Әбілдаев Хабар24 телеарнасындағы онлайн-брифинг барысында айтты, деп хабарлайды Tengrinews.kz тілшісі.

Бүгін Алматыда коронавирус жұқтырғандардың жағдайы туралы қалалық Қоғамдық денсаулық сақтау басқармасының басшысы Тілеухан Әбілдаев Хабар24 телеарнасындағы онлайн-брифинг барысында айтты, деп хабарлайды Tengrinews.kz тілшісі.

"Бүгін тіркелген науқастардың ішіндегі 1991 жылы туған науқас 21 наурызда Нью-Йорк - Мәскеу - Алматы рейсімен ұшып келді. Коронавирус анықталған қалған адамдар коронавирус расталған адамдармен байланысты болған. Тіркелген 40 науқастың, екеуі - бала", - деді Алматы қаласы Қоғамдық денсаулық сақтау басқармасы басшысы.

Айта кетейік, 2020 жылдың 26 наурызы сағат 16.20-дағы жағдай бойынша Қазақстанда коронавирус індетін жұқтырған 109 науқас тіркелді.

Нұр-Сұлтан қаласы бойынша 61 адам, Алматы қаласында - 40 адам, Қарағанды қаласында - 2, Шымкент қаласында - 2 адам, Алматы облысында - 1 адам, Ақтөбе облысында - 1 адам, Жамбыл облысында -1 адам, Солтүстік Қазақстан облысында - 1 адам жалпы 109 науқас тіркелді.

Сонымен қатар, Қазақстанда 2 адам коронавирустан емделіп шықты.