+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы қаласы қоғамдық денсаулық сақтау басқармасының басшысы Қамалжан Надыров шаһарда COVID-19 вирусының екінші толқыны болу қаупі барын айтты, деп хабарлайды Tengrinews.kz тілшісі.
Алматы қаласы қоғамдық денсаулық сақтау басқармасының басшысы Қамалжан Надыров шаһарда COVID-19 вирусының екінші толқыны болу қаупі барын айтты, деп хабарлайды Tengrinews.kz тілшісі.
Басқарма басшысы медицина қызметкерлері мен науқастардың қауіпсіздігін қамтамасыз ету мақсатында тиісті жұмыстар жүргізіліп жатқанын атап өтті.
"Науқастардың медициналық көмекті алу кезінде қауіпсіздігін қамтамасыз ету үшін жұмыстар атқарылып жатыр. Медициналық қызметкерлер қорғаныш құралдарымен және тиісті құрал-жабдықтармен қамтамасыз етілген", - деді ол өңірлік коммуникациялар қызметінде өткен брифингте.
Сондай-ақ, Қамалжан Надыров күзде коронавирустың екінші толқыны болуы мүмкін екенін айтып қалды.
"Күз мезгіліне де дайындалып жатырмыз. Егер аурудың екінші толқыны болып қалса...", - деді басқарма басшысы.
Сонымен қатар, ол Мемлекет басшысының медицина қызметкерлерінің қауіпсіздігін қамтамасыз ету тапсырмасы орындалып жатқанын жеткізді.
"Алдағы уақытта қаладағы барлық станционарда бас дәрігердің инфекциялық жағдайға жауап беретін орынбасар қызметі пайда болады. Бұл эпидемиологтардың мәртебесін көтеруге, білікті мамандарды тартуға мүмкіндік береді", - деді Қамалжан Надыров.
Айта кетейік, Алматыда 2 882 адам коронавирус жұқтырған. 1 897 науқас дертінен айықты, 10 адам қайтыс болды.
