Қазақстанда Hayat-Vax вакцинасы шамамен 100 мың адамға салынды, - деп хабарлайды Tengrinews.kz тілшісі.
Бұл туралы ҚР ДСМ санитарлық-эпидемиологиялық бақылау комитетінің төрайымы Айжан Есмағамбетова онлайн-брифинг барысында мәлімдеді.
Оның айтуынша, бұл вакцинаны 400 мың адам салдыра алады.
"Hayat-Vax вакцинасы да екі компоненттен тұрады, 800 мың доза жеткізілген, яғни 400 мың қазақстандық үшін қолжетімді. Қазіргі таңда бірінші компоненті әр өңір бойынша шамамен 100 мың адамға салынған", - деді Айжан Есмагамбетова.
Айта кетейік, қазір Қазақстанда үш вакцина бар: "Спутник V", QazVac және Hayat-Vax. Соңғысы Қазақстанға мамырдың басында жеткізілген. Оны жаппай егу 4 мамырда басталған.
"Қытай вакцинасына QazVac жапсырмасы желімделген". Мамандар түсінік берді
