31 августа 2023 | 10:12

Шымкентте көпқабатты жаңа үйлердің шатырынан cу ағып тұр

Кадр из видео

Шымкенттегі Тұран-2 шағынауданында "7-20-25" бағдарламасымен жеңілдетілген несиемен берілген көпқабатты тұрғын үйлердің шатырынан суы ағып, оннан аса пәтерді су алған, - деп хабарлайды Massaget.kz тілшісі.

Шымкенттегі Тұран-2 шағынауданында "7-20-25" бағдарламасымен жеңілдетілген несиемен берілген көпқабатты тұрғын үйлердің шатырынан суы ағып, оннан аса пәтерді су алған, - деп хабарлайды Massaget.kz тілшісі.

Абзал Әлібеков - қалалық оқушылар сарайының қызметкері. Бюджет қызметкері ретінде 5 жыл тұрғын үй кезегінде тұрған. Мамырда алғашқы жарнасын төлеп, "7-20-25" бағдарламасымен жеңілдетілген несиемен тоғыз қабатты үйдің тоғызыншы қабатынан екі бөлмелі пәтер сатып алған. Қазір айына 100 мың теңге несие төлеп отырған осы пәтеріне түнде жауған нөсер суы өткен.

Салдарынан жарық сөнген, жиһаздары бүлінген.

"Күн түстен ауды. Құрылыс компаниясына, қалалық құрылыс басқармасына, қала әкімдігіне хабарластық. Құрылыс компаниясы "қала әкімдігі тексеріп қабылдап алған" дейді. Қала әкімдігінен ешкім жауап бермейді. Қайда барып, кімге шағымданатынымызды білмей отырмыз. Ай сайын жүз мыңдап төлеген ипотекалық үйіміз жаңбыр суына төтеп бере алмай тұр. Миллиондарға сатып алған үйіміздің сыйқы осы", - дейді ол.