28 мая 2021 | 15:02

Вакцинадан кейін қол-аяғы құрысып қалған қыздың жағдайы белгілі болды

Сымбат Сатыбалдина Журналист

Видео кадры

Аяқ-қолы "вакцинадан кейін" тырысып қалған алматылық акушердің жағдайы белгілі болды, - деп хабарлайды Tengrinews.kz тілшісі.

Аяқ-қолы "вакцинадан кейін" тырысып қалған алматылық акушердің жағдайы белгілі болды, - деп хабарлайды Tengrinews.kz тілшісі.

Бұл туралы ҚР ДСМ қоғамдық денсаулық сақтау ұлттық орталығының басқарма төрағасының орынбасары Айнагүл Қуатбаева айтты. Оның сөзінше, бұл жағдайды тексеру жұмыстары әлі аяқталмаған.

"Бұл мәселенің жауабын тексеру жұмысы аяқталғаннан кейін Алматы қалалық Қоғамдық денсаулық сақтау басқармасы таныстырады. Бүгінде ол кісінің жағдайы тұрақты", - деді Айнагүл Қуатбаева ОКҚ брифингінде.

Еске салайық, бұған дейін әлеуметтік желілерде аяқ-қолы вакцинадан кейін тырысып қалды делінген видео тараған еді. Осыған қатысты Алматы қаласы Қоғамдық денсаулық басқармасының басшысы Нариман Табынбаев пікірін айтқан болатын. Табынбаевтың сөзінше, бұл оқиға расымен болған, алайда вакцинаға қатысының әлі белгісіз. Оқиғаның анық-қанығын тексеру мақсатында арнайы комиссия құрылды.