Қытайда өткен I'm Singer байқауынан әлемге танылған қазақстандық әнші Димаш Құдайберген Жүргенов атындағы Қазақ Ұлттық Өнер университетін тәмамдады, - деп хабарлайды Tengrinews.kz тілшісі.
"Ахмет Жұбанов атындағы колледжді "Опера әншісі" мамандығы бойынша тәмамдаған болатынмын. Бүгін, Қазақ Ұлттық Өнер университетін "Эстрада вокалы" мамандығы бойынша бітіріп шықтым", - деп жазды ол Instagram желісіндегі парақшасында.
Сонымен қатар, әнші осы 4 жылда өзіне сенім білдірген ата-аналарына, университет ректоры - Айман Қожабекқызына және оқытушы - профессорлық ұжымға алғысын айтты.
